எங்கள் மௌலவீ பாறூக் காதிரீ
உங்கள் பிரிவு இன்றும் வாட்டுது
நெஞ்சில் நினைவு நிழலாய் நிறையுது
உங்கள் வாழ்வு உணர்வில் இருக்குது

சாந்தி மார்க்கத்தை சாந்தமாய் சொன்னீர்
சங்கை பெற்று சாதனை படைத்தீர்
சங்கை நபியை உயிராய்க் கொண்டீர்
சாந்திமிக்க ஸலவாத்து சொன்னீர்

உள்ளமைக் கொள்கையை உரத்துச் சொன்னீர்
வல்லோன் அறிவை வாய்மையாய் தந்தீர்
நல்லோர் சரிதம் நயமாய் உரைத்தீர்
எல்லா நிலையிலும் ஏகத்துவம் செய்தீர்

தீனுக்காக என்றும் வாழ்ந்தீர்
தீனோர் நெஞ்சில் இடம் பிடித்தீர்
தீனுக்காக தியாகங்கள் செய்து
தீனுக்காக ஷஹீதானீர்