இந்த “துஆ”வை “ஆஷூறா” தினம் ஓதுங்கள் ! அனைத்துப் பாக்கியங்களும் பெறுவீர்கள் !

முஹர்றம் மாதத்தின் ஆஷூறா தினத்தையொட்டி அகில இலங்கை ஸூபிஸ ஜம்இய்யதுல் உலமா சபையினரால் வெளியிடப்பட்ட சிறப்புக் கட்டுரை

*********************************************************************

முஹர்றம் மாத பத்தாம் நாள் ஆஷூறா தினமாகும். அன்றிரவு மஃரிப் தொழுகையின் பின் அல்லது இஷாஉ தொழுகையின் பின் ஸெய்யிதுனா ஹுஸைன் றழியல்லாஹு அன்ஹு அவர்கள் பெயரால் ஒரு தரம் யாஸீன் ஓதுங்கள். அல்லது மூன்று தரம் ஓதுங்கள். துஆ ஓதும் போது ஸெய்யிதுனா அலீ, ஸெய்யிததுனா பாதிமா, ஸெய்யிதுனா ஹஸன் றழியல்லாஹு அன்ஹும் ஆகியோரின் பெயர்களையும் சேர்த்துக் கொள்ளுங்கள்.

அன்றிரவு முடிந்தளவு தான தருமம் செய்யுங்கள். ரொட்டி சுட்டு ஏழைகளுக்கு வழங்குங்கள்.  உங்கள் வீட்டுக்கு அண்மையிலுள்ள பள்ளிவாயல் சுன்னத் வல் ஜமாஅத் அடிப்படையில் செயற்படும் பள்ளிவாயல் ஆயின் அங்கு தொழவருகின்றவர்களுக்கும் வழங்குங்கள்.

உங்கள் வீடு, கடை, தொழிலகம் முதலான இடங்களிலும் யாஸீன் ஓதி சகல பலாய், முஸீபத்களும் அகன்று பறகத்தும், செல்வமும், சந்தோசமும், ஆரோக்கியமும் ஏற்பட துஆசெய்யுங்கள்.

இம்மாதத்தின் ஒன்பதாம் நாளான தாஸூஆ தினமும், பத்தாம் நாளான ஆஷூறா தினமும் நோன்பு நோற்பது சுன்னத் நபீ வழியாகும்.

ஆஷூறா தினம் ரொட்டி சுட்டுக் கொடுப்பதும் யாஸீன் ஓதுவதும் பித்அத் அநாச்சாரம் என்று கற்றும் அறிவற்ற சிலர் கூறலாம். அவர்களின் கூற்றை குப்பைத் தொட்டியில் எறிந்து எரித்து விடுங்கள்.

ஆஷூறா தினம் ஓதுவதற்காக வலீமாரில் பலர் பல்வேறு துஆக்களை எழுதியுள்ளார்கள். அவற்றில் ஒரு துஆவை இங்கு எழுதியுள்ளோம். ஓதிப் பயன் பெறுங்கள்.

دعاء يوم عاشوراء   ***    ஆஷூறா தின துஆ

+++++++++++++++++++++++++++++++++++++++++++

நபீ ஆதம் அலைஹிஸ்ஸலாம் அவர்களின் பாவமன்னிப்பை ஆஷூறா

தினம் ஏற்றுக் கொண்ட நாயனே!

நபீ இத்ரீஸ் அலைஹிஸ்ஸலாம் அவர்களை ஆஷூறா தினத்தில்

வானத்தின் பக்கம் உயர்த்திய நாயனே!

நபீ நூஹ் அலைஹிஸ்ஸலாம் அவர்களின் கப்பலை ஆஷூறா தினம் ஜூதீ

என்ற மலையில் தக்க வைத்த நாயனே!

நபீ இப்றாஹீம் அலைஹிஸ்ஸலாம் அவர்களை நும்றூத் என்பவனின் நெருப்பில் இருந்து ஆஷூறா தினம் காப்பாற்றிய நாயனே!

நபீ யஃகூப் அலைஹிஸ்ஸலாம் அவர்களின் குடும்பத்தை ஆஷூறா தினம் ஒன்றிணைத்த நாயனே!

நபீ அய்யூப் அலைஹிஸ்ஸலாம் அவர்களின் கஷ்டத்தை ஆஷூறா தினம் நீக்கி வைத்த நாயனே!

நபீ யூனுஸ் அலைஹிஸ்ஸலாம் அவர்களை மீனின் வயிற்றில் இருந்து ஆஷூறா தினம் காப்பாற்றிய நாயனே!

நபீ தாஊத் அலைஹிஸ்ஸலாம் அவர்களின் பாவத்தை ஆஷூறா| தினம் மன்னித்த நாயனே!

நபீமார்களான மூஸா, ஹாறூன் அலைஹிமுஸ்ஸலாம் ஆகியோரின் பிரார்த்தனையை ஆஷூறா தினம் ஏற்றுக் கொண்ட நாயனே!

நபீ ஹழிர் அலைஹிஸ்ஸலாம் அவர்களின் அறிவை ஆஷூறா தினம் அதிகப்படுத்திய நாயனே!

நபீ ஈஸா அலைஹிஸ்ஸலாம் அவர்களை ஆஷூறா தினம் வானத்திற்கு உயர்த்திய நாயனே!

நபீ முஹம்மத் ஸல்லல்லாஹு அலைஹி வஸல்லம் அவர்களுக்கு ஆஷூறா தினம் உதவி செய்த நாயனே!

சுவர்க்கம், நரகம் இரண்டையும் ஆஷூறா தினம் படைத்த நாயனே!

தவ்றாத், சபூர், இன்ஜீல், குர்ஆன் முதலான வேதங்களை ஆஷூறா தினம் இறக்கி வைத்த நாயனே!

ஜிப்ரீல், மீக்காயீல், இஸ்றாபீல், இஸ்றாயீல் ஆகியோரை ஆஷூறா

தினம் படைத்த நாயனே!

அர்ஷ், குர்ஸீ, லவ்ஹு, கலம், முதலானவற்றை ஆஷூறா

தினம் படைத்த நாயனே!

சூரியன், சந்திரன், நட்சத்திரங்கள் யாவையும் ஆஷூறா

 தினம் படைத்த நாயனே!

வானங்கள், பூமி யாவையும் ஆஷூறா தினம் படைத்த நாயனே!