قد أجمع جميع السادات الصوفيّة أولو المكاشفات القُدسيّة على أنّ سيّد البشر رأى ربّه بعَين البصـر، وهو المُختارُ عند المحقّقين من الصحابة والتّابعين، والمتقدّمين والمتأخّرين،

قال الإمام النّووي رحمه الله فى شرح صحيح مسلم والحاصلُ أنّ الرّاجح عند أكثر العلماء أنّ رسول الله صلّى الله عليه وسلّم رأى ربّه بعَيْنَيْ رأسِه ليلة الإسراء لحديث ابن عبّاس رضي الله عنهما، وهذا قول أنس وعكرمة والحسن والربيع بن سليمان وجماعةٍ من المفسّرين،

பரிசுத்த “கஷ்பு” ஞானங்களுடைய ஸூபீ மகான்கள் அனைவரும் ஒன்று பட்டும், கருத்து வேறுபாடின்றியும் பின்வருமாறு கூறியுள்ளார்கள்.

“கண்மணி நாயகம் அலைஹிஸ்ஸலாது வஸ்ஸலாம் அவர்கள் தங்களின் “றப்பு” அல்லாஹ்வை முகக் கண்ணால் கண்டார்கள்” என்று.

 

ஸஹாபாக்களான நபீ தோழர்கள், தாபியீன்கள், முன்னோர், பின்னோர்களில் உறுதியானவர்களிடம் இந்தப் பேச்சே தெரிவான பேச்சாகும்.

 

இமாம் நவவீ றஹிமஹுல்லாஹ் அவர்கள் “ஷர்ஹு முஸ்லிம்” என்ற நூலில் பின்வருமாறு கூறியுள்ளார்கள்.

 

“சாராம்சம் என்னவெனில் இப்னு அப்பாஸ் றழியல்லாஹு அன்ஹுமா அவர்கள் அறிவித்துள்ள ஹதீதின்படி நபீ அலைஹிஸ்ஸலாது வஸ்ஸலாம் அவர்கள் “இஸ்றா” விண்ணுலக யாத்திரையின் போது தங்களின் தலைக் கண்ணால் அல்லாஹ்வைக் கண்டார்கள் என்பதே அதிக அறிஞர்களின் கருத்தாகும்.

 

இவ்வாறுதான் அனஸ், இக்ரிமா, ஹஸன், அர்றபீஉப்னு ஸுலைமான் றழியல்லாஹு அன்ஹும் ஆகியோர்களும், இன்னும் திருக்குர்ஆன் விரிவுரையாளர்களில் சிலரும் கூறியுள்ளார்கள்.”

 

والرواية المشهورة عن ابن عبّاس رَوى عكرمة عن ابن عبّاس رضي الله عنهما قال: إنّ الله اصطفى إبراهيم بالخُلّة، واصطفى موسى بالكلام، واصطفى محمدا صلّى الله عليه وسلّم وعليهم أجمعين بالرّؤية،

இப்னு அப்பாஸ் றழியல்லாஹு அன்ஹுமா அவர்களின் உலகப் பிரசித்தி பெற்ற அறிவிப்பு பின்வருமாறு.

 

இப்னு அப்பாஸ் றழியல்லாஹு அன்ஹுமா அவர்கள் பின்வருமாறு கூறுகிறார்கள்.

 

“அல்லாஹ் நபீ இப்றாஹீம் அலைஹிஸ்ஸலாது வஸ்ஸலாம் அவர்களுக்கு “கலீல்” என்ற பட்டம் கொடுத்து அவர்களைத் தெரிவு செய்தான். நபீ மூஸா அலைஹிஸ்ஸலாது வஸ்ஸலாம் அவர்களை “கலீம்” என்ற பட்டம் கொடுத்து அவர்களைத் தெரிவு செய்தான். நபீ முஹம்மத் அலைஹிஸ்ஸலாது வஸ்ஸலாம் அவர்களுக்கு தன்னைக் காணும் பாக்கியம் கொடுத்து அவர்களைத் தெரிவு செய்தான்.

 

وَعَنْ كَعْبٍ، قَالَ: إِنَّ اللَّهَ قَسَمَ رُؤْيَتَهُ وَكَلَامَهُ بَيْنَ مُوسَى وَمُحَمَّدٍ عَلَيْهِمَا الصَّلَاةُ وَالسَّلَامُ، وَكَلَّمَهُ مُوسَى عَلَيْهِ السَّلَامُ مَرَّتَيْنِ، وَرَآهُ مُحَمَّدٌ صَلَّى اللهُ عَلَيْهِ وَسَلَّمَ مَرَّتَيْنِ.

கஃப் றழியல்லாஹு அன்ஹு அவர்கள் கூறுகிறார்கள். “அல்லாஹ் அவனைக் காண்பதையும், அவனுடன் பேசுவதையும் நபீ முஹம்மத், நபீ மூஸா அலைஹிமஸ்ஸலாது வஸ்ஸலாம் இருவருக்குமிடையில் பங்கு வைத்தான். அவன் நபீ மூஸா அலைஹிஸ்ஸலாது வஸ்ஸலாம் அவர்களுடன் இருமறை பேசினான். நபீ முஹம்மத் அலைஹிஸ்ஸலாது வஸ்ஸலாம் அவர்கள் இருமுறை அவனைக் கண்டார்கள்”

 

قال القرطبي عند تفسير سورة الأنعام اجْتَمَعَ ابنُ عبّاس وأُبيُّ بن كعب، فقال ابن عبّاس أمّا نحنُ بنُو هاشم فنقول إنّ محمدا رأى ربّه مرّتين، ثمّ قال أتعجبون أنّ الخُلَّةَ لإبراهيم والكلام لموسى والرّؤية لمحمد صلّى الله عليه وسلّم فَكَبَّرَ اُبيُّ بنُ كعب تكبيرةً حتّى جاوبتْهُ الجبالُ،

“அன்ஆம்” அத்தியாயத்திற்கு விளக்கம் எழுதும் போது இமாம் குர்துபீ றஹிமஹுல்லாஹ் அவர்கள் பின்வருமாறு கூறியுள்ளார்கள்.

“இப்னு அப்பாஸ், உபய்யுப்னு கஃப் றஹிமஹுமல்லாஹ் இருவரும் ஒன்று சேர்ந்தனர். அப்போது இப்னு அப்பாஸ் றழியல்லாஹு அன்ஹுமா அவர்கள், நாங்கள் பனூ ஹாஷிம் குடும்பத்தவர்கள். நபீ பெருமான் அலைஹிஸ்ஸலாது வஸ்ஸலாம் அவர்கள் இருமுறை அல்லாஹ்வைக் கண்டார்கள் என்று சொல்வோம் என்று கூறிவிட்டு நபீ இப்றாஹீம் அவர்கள் கலீலுல்லாஹ் என்பதிலும், நபீ மூஸா கலீமுல்லாஹ் என்பதிலும், நபீ முஹம்மத் அலைஹிமுஸ்ஸலாது வஸ்ஸலாம் அவர்கள் அல்லாஹ்வைக் கண்டார்கள் என்பதிலும் நீங்கள் வியப்படைகிறீர்களா? என்று கூறினார்கள். அதைக் கேட்ட உபய்யுப்னு கஃப் அவர்கள் சொன்ன “தக்பீர்” சத்தத்தில் மலைகளும் பதிலளித்தன.

 

 

நபீ அலைஹிஸ்ஸலாது வஸ்ஸலாம் அவர்கள் விண்ணுலக யாத்திரையின் போது ஏழு வானங்களில் நபீமார்களில் பலரைச் சந்தித்து உரையாடினார்கள்.

 

முதலாம் வானத்தில் நபீ ஆதம் அலைஹிஸ்ஸலாம் அவர்களையும், இரண்டாம் வானத்தில் நபீ ஈஸா அலைஹிஸ்ஸலாம் அவர்களையும், நபீ யஹ்யா அலைஹிஸ்ஸலாம் அவர்களையும், மூன்றாம் வானத்தில் நபீ யூஸுப் அலைஹிஸ்ஸலாம் அவர்களையும், நாலாம் வானத்தில் நபீ இத்ரீஸ் அலைஹிஸ்ஸலாம் அவர்களையும், ஐந்தாம் வானத்தில் ஹாறூன் அலைஹிஸ்ஸலாம் அவர்களையும், ஆறாம் வானத்தில் நபீ மூஸா அலைஹிஸ்ஸலாம் அவர்களையும், ஏழாம் வானத்தில் நபீ இப்றாஹீம் அலைஹிஸ்ஸலாம் அவர்களையும் கண்டு உரையாடியும், உறவாடியும் மகிழ்ந்தார்கள். வரலாறை விபரமாகவும், விரிவாகவும் எழுத இங்கு வாய்ப்பில்லை.

 

ஆயினும் நபீ மூஸா அலைஹிஸ்ஸலாம் அவர்களோடு மட்டும் நீண்ட நேரம் உரையாட வேண்டிய தேவை அவர்களுக்கு ஏற்பட்டது. சுருக்கமான விபரம் பின்வருமாறு.

 

ثمّ أتى على موسى فقال يا محمد! ما فَرَضَ ربُّك عليك وعلى أمّتك؟ قال خمسين صلاة كلّ يوم وليلة، قال ارجع إلى ربّك فاسئله التّخفيفَ فإنّ أمّتك لا تُطيق ذلك، فرَجَعَ حتّى انتهى إلى حيثُ تَغْشاهُ السّحابةُ فَغَشِيَتْهُ، فرأى ربّه وخرَّ ساجدا، ثمّ قال ربّ خفِّفْ عن أمّتي، فإنّها أضعفُ الأُمَمِ، قال قد وضعتُ عنهم خمسا، ثمّ انجلت السحابةُ ورجع إلى موسى، فقال وضع عنّي خمسا، فقال ارجع إلى ربّك فاسئله التّخفيفَ، فإنّ أمّتك لا تطيق ذلك، فلم يزل يرجع بينَ موسى وربّه، وربُّه يحطُّ عنه خمسا خمسا، حتّى قال الله تعالى يا محمد قال لبّيك وسعديك، قال هُنَّ خمسُ صلوات كلّ يوم وليلة، كلّ صلاةٍ بعشر، فتلك خمسون صلاةً، لا يُبدّل القولُ لَدَيَّ، ولا يُنسخُ كتابي، ومن همَّ بحسنةٍ فلم يعملها كُتبت له حسنةٌ، فإن عملها كتبت له عشـرةٌ، ومن همّ بسيّئة فلم يعملها لم يُكتب عليه شيئٌ، فإن عملها كُتبت عليه سيّئةٌ واحدة، وانجلت السحابة فنزل، حتّى انتهى إلى موسى، فأخبره، فقال ارجع إلى ربّك، فاسئله التخفيفَ، فإنّ أمّتك لا تطيق ذلك، فقال راجعت ربّي حتّى استَحْيَيْتُ منه، ولكن أرضى وأسلم، فنادى مُنادٍ أن قد أمضيتُ فَرِيضَتي وخفّفتُ عن عبادي،، فقال له موسى اهْبِطْ بسم الله،

 

நபீ முஹம்மத் அவர்கள் நபீ மூஸா அலைஹிஸ்ஸலாம் அவர்களிடம் வந்த போது, முஹம்மதே! உங்களின் நாயன் உங்களுக்கும், உங்களின் சமுகத்துக்கும் எதைக் கடமையாக்கினான் என்று அவர்கள் கேட்டார்கள். ஒரு நாளைக்கு ஐம்பது நேரத் தொழுகையை கடமையாக்கினான் என்று கூறினார்கள். நீங்கள் மீண்டும் அல்லாஹ்விடம் சென்று குறைத்துக் கேட்டு வாருங்கள். ஏனெனில் உங்களின் சமுகத்தினர் அதற்கு சக்தி பெற மாட்டார்கள் என்று நபீ மூஸா அலைஹிஸ்ஸலாம் அவர்கள் கூற, நபீ அலைஹிஸ்ஸலாது வஸ்ஸலாம் அவர்கள் மீண்டும் சென்று அவனைப் பார்த்து இறைவா! எனது சமூகம் இதற்கு சக்தி பெறமாட்டார்களாகையால் மீண்டும் குறைத்து தருவாயாக! என்று வேண்டி நின்றார்கள் நபீ பெருமான் அலைஹிஸ்ஸலாது வஸ்ஸலாம் அவர்கள். ஐந்தைக் குறைத்தேன் என்றான் அல்லாஹ். நபீ பெருமான் மீண்டும் நபீ மூஸா அலைஹிமஸ்ஸலாம் அவர்களிடம் வந்து விடயத்தைக் கூறினார்கள். மீண்டும் அவ்வாறே அவர்கள் சொன்னார்கள். இவ்வாறு நபீ அலைஹிஸ்ஸலாது வஸ்ஸலாம் அல்லாஹ்விடம் போவதும், மூஸா நபீ அவர்களிடம் வருவதுமாக இருந்தார்கள். அல்லாஹ் ஒவ்வொரு தரமும் ஐந்தைந்தாக குறைத்து 45 நேரத் தொழுகையை குறைத்து ஐந்தோடு நிறுத்திக் கொண்டு ஐந்தில் ஒவ்வொன்றுக்கும் பத்து நன்மை வீதம் ஐந்துக்கும் ஐம்பதென்று கூறியதோடு என்னிடம் இரண்டு பேச்சுக்கு இடமே இல்லையென்று உறுதியாகவும், அறுதியாகவும் கூறி ஒருவன் ஒரு நல்ல காரியம் செய்ய நினைத்து அதைச் செய்யவில்லையானால் அதற்கு ஒரு நன்மையும், ஆயினும் அதைச் செய்தானாயின் அவனுக்கு பத்து நன்மைகளும் எழுதப்படும் என்றும், ஒருவன் ஒரு தீய காரியம் செய்ய நாடி அதைச் செய்யவில்லையானால் அவனுக்கு எதுவும் எழுதப்படமாட்டாது. அதை அவன் செய்தானாயின் அவனுக்கு ஒரு பாவமே எழுதப்படும் என்றும் அல்லாஹ் கூறினான்.

 

நபீ பெருமான் அலைஹிஸ்ஸலாது வஸ்ஸலாம் மீண்டும் நபீ மூஸா அவர்களிடம் வந்து கூற அவர்கள் மீண்டும் முதற்கூறியவாறே கூற நபீ பெருமான் அலைஹிஸ்ஸலாது வஸ்ஸலாம் அவர்கள் நான் பல தரம் சென்று குறைத்துக் கேட்டுவிட்டேன். மீண்டும் சென்று குறைத்துக் கேட்க என்னால் முடியாது, எனக்கு வெட்கமாக உள்ளது என்றார்கள் எம்பிரான் அவர்கள். நபீ மூஸா அவர்களுக்கு வேறு வழி இல்லாமற் போனதால் பிஸ்மில்லாஹ் பூமிக்கு இறங்குங்கள் என்று வழியனுப்பி வைத்தார்கள்.