“வஹ்ததுல் வுஜூத்” ஞானத்தின் பேரரசர் இப்னு அறபீ றழியல்லாஹு அன்ஹு அவர்கள்.

தொடர் – 2

يقول الشيخ الأكبر ابن عربي رحمه الله( العارفُ من يَرى الحقّ فى كلّ شيئ، بَلْ يراه عينَ كلّ شيئ) (فصوص الحكم بشرح القيصري – 2-385)

அஷ் ஷெய்கு முஹ்யித்தீன் இப்னு அறபீ றழியல்லாஹு அன்ஹு அவர்கள் பின்வருமாறு கூறியுள்ளார்கள்.

(ஆரிப் – இறைஞானி என்பவர் ஒவ்வொரு வஸ்த்திலும் இறைவனைக் காண்பவராவார். இல்லை ஒவ்வொரு வஸ்த்தையும் இறைவனாகவே காண்பவராவார்)

ஆதாரம்: இப்னு அறபீ அவர்களின் புஸூஸுல் ஹிகம்.
ஷர்ஹுல் கைஸரீ (2-385)

வாசக நேயர்களே! இப்னு அறபீ றழியல்லாஹு அன்ஹு அவர்கள் இறை ஞானி என்றால் யாரெனில் அவர் காணும் வஸ்த்துக்கள் அனைத்திலும் இறைவனைக் காண்பவராவார் என்று சொல்லிவிட்டு இல்லை அவனே சகல வஸ்த்துக்களாகவும் உள்ளான் என்று சகல வஸ்த்துக்களையும் இறைவனாகப் பார்ப்பவனே இறைஞானி என்று கூறியுள்ளார்கள்.

இவர்களைத் தமது “பத்வா”வுக்கு ஆதாரமாக எடுத்துள்ள முப்திகளை நினைக்கும் போது யாருக்கு கோபம், ஆத்திரம் வராவிட்டாலும் எனக்கும், எனது ஆதரவாளர்களுக்கும் வருமா? வராதா?

யாராயினும் நீதி காண்பதற்கு ஒரு பக்க சார்பின்றி நடு நிலையில் இருந்து சிந்திக்க வேண்டும். உலமா சபையை இத்திரு நாட்டை ஆளும் ஜனாதிபதியாக பகற் கனவு காணும் ரிஸ்வியிடமும், பத்வா குழுவிடமும் நான் கேட்கிறேன். ஒருவனை மதம் மாற்றி “பத்வா” வழங்குவதற்கு உங்களுக்கு சட்டப்படி அதிகாரம் தந்தது யார்? பகிரங்கமாக உங்களால் சொல்ல முடியுமா?

நீங்கள் ஏற்றுக் கொண்ட 13 இமாம்களின் பெயர்களை உங்களின் “பத்வா”வின் ஓர் இடத்திலும், இன்னோர் இடத்தில் ஒருவரை விட்டு 12 பேர்கள் என்றும் குறிப்பிட்டுள்ளீர்கள். இது தடுமாற்றமா? அல்லது பதவி மோகப் பேய் சிந்தனையை சிதைத்து விட்டதா?

இவையெல்லாம் ஒரு புறமிருக்க “துஹ்பதுல் முர்ஸலா” என்ற நூலை எனக்கு எதிராக எழுதிய “பத்வா”வுக்கு ஆதாரமாக எடுத்துள்ளீர்கள். அதை எழுதிய முஹம்மத் இப்னு பழ்லுல்லாஹ் அவர்களை 13 இமாம்களில் ஒருவராகவோ, 14வது இமாமாகவோ நீங்கள் ஏற்றுக் கொள்ளாதது ஏன்? அந்த நூலும், அதன் ஆசிரியரும் நூறு வீதம் “வஹ்ததுல் வுஜூத்” ஞானத்திற்கு ஆதரவென்று தெரியாமல் எடுத்தீர்களா? அல்லது பண மோகம் உங்கள் புத்திக்கு திரை போட்டதா? பேசுங்கள். சொல்லுங்கள். இதுவரை நூற்றுக்கும் மேற்பட்ட கேள்விகள் கேட்டிருக்கிறேன். ஒன்றுக்குமே பதில் கூறாமல் உள்ளீர்களே! என்ன செய்தி? வாய் திறக்கப் பயமா?

இப்னு அறபீ நாயகம் அவர்களின் மேலே எழுதிக் காட்டிய வசனத்தில் ஒரு நுட்பம் இருப்பது உங்களுக்கு புரிகிறதா? உங்களுக்கு எங்கே புரியப் போகிறது?

நானே சொல்கிறேன். விளங்கிக் கொள்ளுங்கள். இந்த நுட்பமான அறிவுகளும், தத்துவங்களும் நீங்கள் என்னிடமில்லாது போனாலும் வேறு யாரிடமாவது கால் மடித்திருந்து படிக்க வேண்டிய விடயங்களாகும். உங்கள் மீது அனுதாபப்பட்டு உங்களுக்கு சும்மா சொல்லித் தருகிறேன்.

இப்னு அறபீ நாயகம் என்ன சொன்னார்கள்? வசனத்தை கவனியுங்கள்.

العارف من يَرى الحقّ فى كلّ شيئ، بَلْ يراه عينَ كلّ شيئ،

இறை ஞானி என்பவர் ஒவ்வொரு வஸ்த்திலும் அல்லாஹ்வைக் காண்பவராவார் என்று சொன்னவர்கள் இல்லை இல்லை. அவர் சகல வஸ்த்தையும் அல்லாஹ் தானானவையாகவே காண்பார் என்றல்லவா கூறியுள்ளார்கள்.

இறைஞானி என்பவர் ஒவ்வொரு வஸ்த்திலும் இறைவனைக் காண்பவராவார் என்று கூறியதோடு நின்று விடாமல் பல் – بَلْ என்ற ஒரு சொல்லைப் பயன்படுத்தி முந்தின கருத்துக்கு மாறாக பின்னால் சொல்லியுள்ளார்களே ஏன் அவ்வாறு சொன்னார்கள் என்று உங்கள் மூளைக்கு பட்டதா? இல்லையா? பட்டிருக்க வாய்ப்பில்லை.

அதிலுள்ள நுட்பத்தை நானே சொல்கிறேன். கற்றுத் தருகிறேன். “அதப்” உடனிருந்து கற்றுக் கொள்ளுங்கள்.

هذا مقام التعليم، فيجب على المتعلّم أن يراعي الآدابَ، ويجعل نفسَه عبدا لمعلّمه، فالمعلِّمُ إن شاء باع المتعلّم، ولي حرّيّة لبيعكم،

ஒவ்வொரு வஸ்த்திலும் அல்லாஹ்வைக் காண்பவர் “ஆரிப்” இறைஞானி என்ற வசனம் “ஹுலூல் – இத்திஹாத்” கொள்கைக்குச் சாத்தியமானது போல் உள்ளது. “பத்வா” வழங்கியவர்கள் அதைக் கண்டால் “ஹுலூல் – இத்திஹாத்” என்றே முடிவு செய்து அந்த மகானுக்கும் “முர்தத்” பத்வா வழங்கிவிடுவார்கள் என்று தங்கள் “இல்ஹாம்” மூலம் அந்த மகான் அவர்கள் பத்வா வியாபாரிகளின் அட்டூழியத்தைப் பயந்து அந்த வசனத்தை எவ்வாறு மாற்றுகிறார்கள் என்பதைக் கவனியுங்கள். அந்த வசனத்தின் பின்னால் பல் – بَلْ என்ற சொல்லைக் கொண்டு வந்து بَلْ يَرَاهُ عَيْنَ كُلِّ شَيْئٍ இல்லை. நான் முன்னால் சொன்னது போலன்று. ஆரிபீன்களான ஞானிகள் சகல வஸ்த்துக்களையும் அல்லாஹ் தானானவையாகவே காண்பார்கள் என்று எவருக்கும் பயமின்றி அடித்துச் சொல்லியுள்ளார்கள்.

இவ்வாறு “வஹ்ததுல் வுஜூத்” பேசிய மகானையே முல்லா மகான்கள் தமது “பத்வா”வுக்கு ஆதாரமாக எடுத்துள்ளார்கள். இவர்களின் இச்செயலை “ஜஹாலத்” – جَهَالَةٌ என்பதா? அல்லது “ஹமாகத்” – حَمَاقَةٌ என்பதா? அல்லது “பலாதத்” بَلَادَةٌ என்பதா? இவற்றை விட கடுமையான சொல் இருந்தால் அதையே சொல்ல வேண்டும். இதைவிடப் “பவர்புள்” ஆன சொல்லிருந்தால் அவர்கள் சொல்லித் தரட்டும். நான் அதை அவர்களுக்குச் சொல்வேன்.

فالعوامّ والمحجوبون والعلماء الّذين ليس لهم دخلٌ فى علم التصوّف وفى عقيدة وحدة الوجود ولا عِلْمٌ بكلمة الحقّ لا إله إلّا الله، يفرِّقون بين الحقّ والخلق، ويُثبتون للكون وُجودا مستقلًّا غير وجود الله، وهذا شركٌ عظيمٌ ،ولكن الشّيخ الأكبر يقول الكون خيالٌ وهو حقّ فى الحقيقة، فأنشد الشّيخ رحمه الله،
إنما الكون خيال – وهو حق فى الحقيقة
كلّ من يعرف هذا – حاز أسرار الطّريقة
تقدّم بيان هذا الشّعر،

பொது மக்களும், இருள் திரையில் மாட்டிக் கொண்டவர்களும், மற்றும் ஸூபிஸக் கலையிலும், “வஹ்ததுல் வுஜூத்” கோட்பாட்டிலும் எந்தவொரு ஈடுபாடுமில்லாதவர்களும் படைத்தவன் வேறு, படைப்பு வேறு என்று சொல்கிறார்கள். அவ்வாறு சொல்வதன் மூலம் படைப்புக்கு அல்லாஹ்வின் “வுஜூத்” அன்றி வேறு தனியான “வுஜூத்” உண்டு என்று கூறுகிறார்கள். இது “ஷிர்க்“ என்ற இணை வைத்தலாகும். ஷெய்குல் அக்பர் இப்னு அறபீ நாயகம் அவர்கள் படைப்பு “கயால்” என்றும், அது உண்மையிலேயே இறைவனாகவே இருக்கின்றதென்றும், இத் தத்துவத்தை அறிந்தவர் அனைவரும் தரீகாவின் இரகசியங்களை புரிந்து கொண்டவராவார் என்றும் கூறியுள்ளார்கள்.

இது பற்றி ஏற்கனவே எழுதிவிட்டேன்.

படைத்தவன் வேறு, படைப்பு வேறு என்றும், அவனுக்கும் படைப்புக்கும் எந்த ஒரு தொடர்பும் இல்லையென்றும், அவன் எங்கோ இருக்கிறான், நாம் எங்கோ இருக்கிறோம் என்றும் மக்கள் நம்பியுள்ளார்கள். இந்த நம்பிக்கை ஸூபீகளின் பார்வையிலும், எதார்த்தத்திலும் பிழையானதாகும். ஸூபிஸக் கொள்கையை ஆய்வு செய்தறிந்தவனால் மட்டுமே அதைப் பிழையென்று சொல்ல முடியும்.

பெயரளவில் முஸ்லிம்களாக வாழ்வதினால் பயனில்லை. முஃமின்கள் என்று பேசிக் கொள்வதினாலும் பயனில்லை. சின்னத்தம்பி, சின்னம்மா என்று பெயர் வைத்துக் கொண்டாலும் குற்றமில்லை. இஸ்லாம் கூறும் தத்துவத்தையும், இறைஞானம் கூறும் அகமியங்களையும் அறிந்து செயல்பட வேண்டும். எம்மிடமுள்ள பாவக் கறைகள் அனைத்தையும், ஷெய்தானிய்யத்தான பண்பாடு, பழக்க வழக்கங்களையும் மாற்றினால் மட்டுமே வெற்றி பெறலாம். உலக முஸ்லிம்களின் சனத் தொகை இத்தனை கோடி என்று சொல்லிக் கொள்வதிலும், காத்தான்குடியில் 50 ஆயிரம் முஸ்லிம்கள் உள்ளார்கள் என்று சொல்லிக் கொள்வதிலும் எந்த ஒரு பயனுமில்லை. 50 ஆயிரம் முஸ்லிம்களில் ஒருவன் விசுவாசியாக இருந்தால் போதும். அவன் மட்டும் 50 ஆயிரம் பேருக்கும் சமமாவான். நபீ இப்றாஹீம் அலைஹிஸ்ஸலாம் அவர்கள் தனி மனிதன்தான். ஆயினும் அல்லாஹ் அவர்களைப் புகழ்ந்துரைக்கும் போது إن إبراهيم كان أمة நிச்சயமாக இப்றாஹீம் “உம்மத்” ஒரு சமுகம் என்று கூறியுள்ளான். ஒரு தனி மனிதனை சமுகம் என்று கூறியிருப்பது சத்திய வழியில் இருக்கும் ஒருவன் ஒரு சமுகத்திற்கு நிகரானவன், சமமானவன் என்ற உண்மையை காட்டுகின்றது. சத்திய வழி வாழப் புறப்படுவோம். இருமையறுத்து ஒருமையில் ஒன்று படுவோம். غرتكم الحياة الدنيا உலக வாழ்க்கை உங்களை ஏமாற்றி விட்டதென்று இறைவன் கூறுகிறான். நம்மில் யாரையாவது உலக வாழ்க்கை ஏமாற்றியதுண்டா? ஏமாற்றுதல் என்றால் என்ன? ஒரு பொருளை – ஓரு சாமானை வேறொரு பொருளாக அல்லது வேறொரு சாமானாக காட்டுவதல்லவா ஏமாற்றுதல். அப்படியானால் உலக வாழ்க்கை நம்மை ஏமாற்றுகிறது என்ற கூற்றின் எதார்த்தம் புரிந்து செயல்படுவோம். ஒரு பொருளை ஒரு பொருளாகவே நம்புவோம். பார்ப்போம்.