وَمِمَّنْ حُكِمَ عَلَيْهِ بِالتَّكْفِيْرِ مِنْ أَئِمَّةِ الصُّوْفِيَّةِ،

 

ஸூபீ மகான்களில் “காபிர்” என்று தீர்ப்புச் செய்யப்பட்டவர்கள்!

 

 

இவ்வாறு தீர்ப்புச் செய்தவர்கள் ஸூபிஸம் தெரியாத முல்லாக்களே!

 

போலி உலமாஉகளால் அநீதியாக “காபிர்” என்று “பத்வா” வழங்கப்பட்ட ஸூபீ மகான்களின் பெயர்களும், ஆதார நூல்களையும், பக்கங்களையும், அவற்றை எழுதிய நூலாசிரியர்களின் பெயர்களையும் இத்தலைப்பில் சுருக்கமாக எழுதுகிறேன். இவர்களின் வரலாறுகள் பின்னர் எழுதப்படும்.

.1 ذو النّون المصريّ، (اللُّمع للطُّوسي، ص 498، وسير أعلام النبلاء، 11-533(

01. துன்னூன் அல் மிஸ்ரீ, நூலின் பெயர்: “அல்லுமஉ”, பக்கம்: 498, ஸியறு அஃலாமின் நுபலாஇ, பக்கம்: 11-533.

 

.2 أبو يزيد البسطامي، (اللُّمع للطُّوسي، ص 472(

02. அபூ யஸீத் அல் பிஸ்தாமீ, நூலின் பெயர்: “அல்லுமஉ”, பக்கம்: 472.

 

.3 أبو سعيد الخَرَّاز، (اللُّمع للطُّوسي، ص 499، وسير أعلام النّبلاء، 13-421(

03. அபூ ஸயீத் அல் கர்ராஸ், நூலின் பெயர்: “அல்லுமஉ”, பக்கம்: 499, ஸியறு அஃலாமின் நுபலாஇ, பக்கம்: 13-421.

 

.4 الجُنيد، (اللُّمع للطُّوسي، ص 500(

04. அல் ஜுனைத், நூலின் பெயர்: “அல்லுமஉ”, பக்கம்: 500.

 

.5 عبد الله بن أبي جمرة، (الطبقات الكبرى للشعراني، 1-17، 1-203(

05. அப்துல்லாஹ் பின் அபீ ஜம்றா, நூலின் பெயர்: அத்தபகாதுல் குப்ரா, ஆசிரியர்: இமாம் ஷஃறானீ, பக்கம்: 1-17, 1-203)

 

.6 الحلّاج، (البداية والنّهاية، لابن كثير، 11-140(

06. இமாம் ஹல்லாஜ், நூலின் பெயர்: அல்பிதாயா வந்நிஹாயா, ஆசிரியர்: இப்னு கதீர், பக்கம்: 11-140.

 

.7 أبو العبّاس بن عطاء، (اللُّمع للطُّوسي، ص 500(

07. அபுல் அப்பாஸ் இப்னு அதா, நூலின் பெயர்: “அல்லுமஉ”, பக்கம்: 500.

 

.8 أبو العبّاس بن المُلثم، (هو أحمد بن المُلثم، من مشائخ الصوفيّة فى القرن السابع الهجري، من أهل مصـر، كان الصوفيّة لا يمنعون حَرِيمَهم منه فى الزاوية والخلوة، فأنكر عليه العلماء، وثبتَ عند القاضي أنّه زِنديق، فكتب محضـرا بتكفيرِه، ادّعَى أنّ عمره أربعمأة سنة، وأنّه أدرك الإمام الشافعيّ، تُوفّي بمصر سنة 672 هـ(

08. அபுல் அப்பாஸ் இப்னு முல்தம். இவர் ஹிஜ்ரீ 7ம் நூற்றாண்டின் ஸூபீ மஷாயிகுமாரில் ஒருவர். இவர் மிஸ்ர் நாட்டைச் சேர்ந்தவர். ஸூபீ மகான்கள் தமது பெண்களை சாவியா, மற்றும் “கல்வத்” போன்ற இடங்களில் அவரை விட்டும் தடை செய்யமாட்டார்கள். இவரை உலமாஉகள் எதிர்த்தார்கள். இவர் “சிந்தீக்” என்று “காளீ”யிடம் நிறுவினார்கள். இவர் “காபிர்” என்று அவர் “பத்வா” வழங்கினார். இவர் தனக்கு 400 வயதென்றும், இமாம் ஷாபிஈ அவர்களைத் தனக்குத் தெரியும் என்றும் கூறி வந்தார். இவர் “மிஸ்ர்” நாட்டில் ஹிஜ்ரீ 672ல் மரணித்தார்.

 

.9 الحسن بن مكّيّ الصّبيحيّ، (اللُّمع للطُّوسي، ص500(

09. அல்ஹஸன் இப்னு மக்கீ அஸ்ஸபீஹீ, நூலின் பெயர்: “அல்லுமஉ”, பக்கம்: 500.

 

.10 الحكيم التُّرمذي، (سير أعلام النّبلاء، 13- 441(

10. அல்ஹகீமுத் துர்முதீ, நூலின் பெயர்: ஸியறு அஃலாமின் நுபலா, பக்கம்: 13-441.

 

மேற்கண்ட பதின்மரும் ஹிஜ்ரீ 3ம், 4ம் நூற்றாண்டில் வாழ்ந்த ஸூபீகளாவர். மேற்கண்ட பத்துப் பேர்களும் “காபிர்” என்று தீர்ப்புச் செய்யப்பட்டவர்களாவர்.

ஹிஜ்ரீ 07ம் நூற்றாண்டில்தான் இப்னு அறபீ, இப்னுல் பாரிழ், இப்னு ஸப்ஈன் போன்ற ஸூபீககளாலும், இன்னும் பலராலுமே “வஹ்ததுல் வுஜூத்” ஞானம் பிரசித்தி பெற்றது. இதற்கு முன் இப் பெயரில் பிரசித்தி பெறவில்லை.

மேற்கண்ட மகான்களின் வரலாறுகள் அடுத்தடுத்து வரும் தொடர்களில் இடம் பெறும்.

 

وممّن نُفي من أهل التصوّف من بلدانهم،

ஸூபீ மகான்களில் நாடு கடத்தப்பட்டவர்கள்.

 

.1 أبو يزيد البسطامي

01. அபூ யஸீத் அல் பிஸ்தாமீ: இந்த ஸூபீ மகான் “பிஸ்தாம்” என்ற நகரிலிருந்து 07 தரம் நாடு கடத்தப்பட்டுள்ளார்.

 

)النّور من كلمات أبي طيفور، للسّهلكي، ص64، واللّمع للطّوسي، ص 472(

.2 أبو حمزة الصوفي،

அபூ ஹம்ஸா ஸூபீ. இவர் “தர்தூஸ்” நாட்டிலிருந்து நாடு கடத்தப்பட்டவர். (نفحات الأنس, பக்கம்: 231, ஆசிரியர்: ஜாமீ)

 

.3 الحسين بن مكّي الصبيحي، طُرد من البصرة،

இவர் “பஸரா” என்ற ஊரிலிருந்து வெளியேற்றப்பட்டார். (“அல்லுமஉ”, பக்கம்: 500)

 

.4 محمد بن الفَضْل البَلْخِي، اُخرِجَ من بلخَ،

04. முஹம்மத் இப்னுல் பழ்ல் அல் பல்கீ அவர்கள். “பல்க்” என்ற நகரிலிருந்து நாடு கடத்தப்பட்டார்கள். (நூல்: நபஹாதுல் உன்ஸ், பக்கம்: 319, ஆசிரியர்: ஜாமீ)

 

.5 الحكيم التُّرْمُذِيْ، طُرِدَ مِنْ تُرْمُذْ، (الطبقات الكبرى للشعراني، 1-16(

05. அல்ஹகீம் அத்துர்முதீ – “துர்முத்” என்ற ஊரிலிருந்து நாடு கடத்தப்பட்டார்கள்.

 

.6 شُعيب أبو مدين المغربي، نُفِيَ من بَجَايَا فى الجزائر إلى تلمسان، (الطبقات الكبرى للشعراني(

06. ஷுஐப் அபூ மத்யன் அல் மக்ரிபீ அவர்கள் “பஜாயா”விலிருந்து திலம்ஸானுக்கு நாடு கடத்தப்பட்டார்கள்.

 

.7 الشّيخ أبو الحسن على الشّاذلي، نُفي من تُونس، (الطبقات الكبري للشعراني، 1-17(

07. மகான் அபுல் ஹஸன் அஷ்ஷாதுலீ அவர்கள் “தூனுஸ்” நாட்டிலிருந்து நாடு கடத்தப்பட்டார்கள். (தபகாதுல் குப்ரா, ஆசிரியர்: இமாம் ஷஃறானீ, பக்கம்: 01-17)

 

.8 ابن سبعين، اُخرِجَ من المغرب،

08. இப்னு ஸப்ஈன், இவர் மொறோக்கோவிலிருந்து நாடு கடத்தப்பட்டார்.

 

ஸூபீ மகான்களில் “காபிர்” என்று தீர்ப்புக் கொடுக்கப்பட்ட 10 பேர்களின் பெயர்களை இங்கு எழுதியுள்ளேன். இவர்களின் வரலாறுகளை எழுதவில்லை. இன்ஷா அல்லாஹ் தொடர்ந்து எழுதுவேன். இன்னும் ஸூபீ மகான்களில் நாடு கடத்தப்பட்டவர்களில் 08 பேர்களின் பெயர்களையும் எழுதியுள்ளேன். இவர்களின் வரலாறுகளையும் தொடர்ந்து எழுதுவேன். இன்ஷா அல்லாஹ்! இதைத் தொடர்ந்து அன்று வாழ்ந்த பொறாமைக் காரர்களால் கொலை செய்யப்பட்டவர்களின் பெயர்ப் பட்டியல்களையும், வரலாற்றுப் பட்டியல்களையும் எழுதுவேன். இன்ஷா அல்லாஹ்!

மேலே பெயர்கள் குறிப்பிட்ட “காபிர்” என்று தீர்ப்புக் கொடுக்கப்பட்டவர்களும், நாடு கடத்தப்பட்டவர்களும் “அவாமுன்னாஸ்” பொது மக்கள் அல்ல. மார்க்க அறிஞர்களான உலமாஉகளும், ஸூபீகளான ஆன்ம ஞானிகளும், “ஆரிபீன்” இறைஞானிகளான வலீமாருமேயாவர். இவர்கள் எதற்காக இவ்வாறெல்லாம் துன்புறுத்தப்பட்டார்கள் என்றால் இறைவன் யாரென்று ஸூபிஸ அடிப்படையில் மக்கள் மத்தியில் பேசியதற்காகவேயாகும். இன்று நடப்பதும், அன்று நடந்ததும் ஒன்றுதான். இன்று நடப்பது வரலாற்றில் புதியதல்ல. தோற்றங்களில் மட்டுமே மாற்றம். எல்லாமே பொறாமையின் படங்கள்தான்.

(தொடரும்)