தொற்று நோய்

இமாம் நவவீ றஹிமஹுல்லாஹ் அவர்களும், இன்னும் சிலரும் எடுத்துக்கொண்ட விளக்கமாகின்றது முதலாவது விளக்கமாகும். (அதாவது தொற்று நோய் இல்லை என்பதாகும்) ஜாஹிலிய்யா காலத்தவர்கள் தொற்று நோய் அது தானாக அல்லாஹ்வுக்கு எந்தவொரு சம்பந்தமுமின்றி பரவக் கூடியது என்று நம்பியிருந்தார்கள். எனவே அது பெருமானார் ஸல்லல்லாஹு அலைஹி வஸல்லம் அன்னவர்களின் “தொற்று நோய் இல்லை” என்ற ஹதீது கொண்டு பொய்ப்பிக்கப்பட்டு விட்டது. மற்ற ஹதீது ஒன்றின் மூலம் சில நேரம் தங்கடம் ஏற்படுவது அல்லாஹ்வின் “கழா கத்ர்” கொண்டுதான் என்றும் வழிகாட்டியுள்ளார்கள்.

இப்னு குதைபா பின்வருமாறு பதிலளித்தார்கள். குஷ்டரோகியையும், காச நோய் உள்ளவரையும் நெருங்குவது சில வேளை நோயை ஏற்படுத்தலாம். ஆனால் அது காற்றைக் கொண்டுதான். தொற்றைக் கொண்டு அல்ல. காற்று தொற்றை ஏற்படுத்தும் காரணங்களில் ஒன்று என்றும் மறுத்தார்கள்.

இமாம் தபறானீ அவர்கள் பின்வருமாறு பதிலளித்துள்ளார்கள். பெருமானார் அவர்கள் குஷ்டரோகியை தவிர்ந்து கொள்ளச் சொன்னது மனதில் தொற்று உண்டு என்ற எண்ணம் வந்துவிடும் என்று பயந்துதான். பின்பு குஷ்டரோகியுடன் சேர்ந்து நடந்ததன் மூலம் அதற்கு மாறு செய்துகாட்டினார்கள். மேலும் விரண்டோடச் சொன்னது “பர்ழ்” கடமையில்லை என்பதை “லா அத்வா” தொற்று இல்லை என்று சொல்லி விபரித்தார்கள்.

அல்பாஜீ என்பவர்கள் விரண்டோடச் சொன்னது அது ஆகும் என்பதற்காகத்தான். அதாவது நீ அவன்படும் வேதனையை தாங்கிக் கொள்ள மாட்டாய் என்றிருந்தால், அவனுடன் கலப்பதை வெறுத்தால் ஆகும் என்பதற்காகத்தான். பெருமானார் ஸல்லல்லாஹு அலைஹி வஸல்லம் அன்னவர்கள் “குஷ்டரோகியுடன் உனக்கும் அவனுக்கும் மத்தியில் ஒரு ஈட்டியின் அல்லது இரண்டு ஈட்டியின் அளவு இடைவெளி வைத்துசாப்பிடு” என்று சொன்னதாக அறிவிக்கப்பட்டுள்ளது. மேலும் குஷ்டரோகிகளுக்குப் பக்கத்தால் சென்ற பெருமானார் ஸல்லல்லாஹு அலைஹி வஸல்லம் அன்னவர்கள் தனது மூக்கைப் பொத்திக் கொண்டு சென்றார்கள். அந்நேரம் ஸஹாபாக்கள் நாயகமே! தொற்று இல்லை என்று நீங்கள் சொல்லவில்லையா? என்று கேட்டார்கள். அதற்கு பெருமானார் அன்னவர்கள் ஆம், சொல்லியுள்ளேன். ஆனால் அவர்களின் வாடையையுமா? என்று சொன்னார்கள். இதை அறிவித்தவர்களில் ஒருவர் இது சலுகை என்று சொன்னார்.

அன்னை ஆயிஷா றழியல்லாஹு அன்ஹா அவர்களும், இன்னும் சிலரும் விரண்டோடச் சொன்னது தொற்று நோய் இல்லை என்று பெருமானார் அவர்கள் சொன்னது கொண்டும், இன்னும் இது போன்றது கொண்டும், குஷ்டரோகியுடன் ஒன்றாக இருந்து சாப்பிட்டது கொண்டும் மாற்றப்பட்டுவிட்டது என்று கூறியுள்ளார்கள்.

ஹஸ்றத் அபூ ஹுறைறா றழியல்லாஹு அன்ஹு அவர்கள் இரண்டு ஹதீதுகளையும் (தொற்று நோய், பறவை சாஸ்திரம் இல்லை என்ற ஹதீதையும், நோயுள்ள ஒட்டகத்தை நல்ல ஒட்டகத்துடன் சேர்க்க வேண்டாம் என்ற ஹதீதையும்) அறிவித்தார்கள். பிறகு முந்தியதை அறிவிக்கவில்லை. அவர்களிடம் சிலர் அது பற்றிக் கேட்க அவர்கள் பதிலளிக்கவில்லை. அதனால் இந்த சிலர் அது உண்டு என்று நம்பினார்கள். அபூ ஸலமா இது தொடர்பில் (அபூ ஹுறைறா மறந்தார்களா? அல்லது ஒன்று மாற்றப்பட்டுவிட்டதா? என்பது எனக்கு தெரியாது) என்று கூறியுள்ளார்கள்.

இது நல்ல வார்த்தை அல்ல. விடயம் என்னவெனில் இந்த விபரத்தில் நான்கு கருத்துக்கள்தான் உள்ளன.

01. தொற்று நோய் உண்டு.அது தானாக இன்னொருவருக்கு தொற்றும். இது “காபிர்”களின் கூற்று.
02. அல்லாஹ்வின் உத்தரவுக்கமைய அது தொற்றும். அது நீங்காது. ஆனால் “முஃஜிஸத்” அல்லது “கறாமத்” அற்புதமுள்ள ஒருவருக்கு நிகழ்ந்து நீங்கினாலே தவிர. இதுதான் சரியான இஸ்லாமிய வழி.
03. தொற்று நோய் உண்டு. ஆனால் அதன் இயற்கைத் தன்மை கொண்டுதான் தொற்றும். அதன் மீது அல்லாஹ் நடத்தாட்டும் வழக்கமானதைக்கொண்டு. சில வேளை அது வழமையான நேர்ச்சைகள் செய்வது கொண்டு அல்லாஹ் நாடினால் நீங்கும்.
04. அறவே தொற்றாது. இயற்கையாகவோ, வழக்கத்திலோ இல்லை. எவனுக்கு அது ஏற்படவேண்டுமென்று நாட்டமிருக்கிறதோ அவனுக்கு அது ஏற்படும். அது அவனிலேயே ஆரம்பிக்கின்றது.

இதனால்தான் நாம் அதிகமான தொற்று நோயாளர்கள் நோயில்லாதவர்களுடன் கலப்பதைக் காண்கிறோம். அது அவர்களுக்கு தொற்றுவதும் இல்லை. இறுதியானதுதான் சரியானது. “ஒன்றிலிருந்து இன்னொன்றுக்கு தொற்றாது” என்ற ஹதீது கொண்டும், “முந்தியதுக்கு (முதலாவது ஒட்டகத்துக்கு) தொற்றவைத்தது யார்?” என்ற ஹதீது கொண்டும் மூன்றாவது பிரபல்யமாக இருந்தாலும் சரியே! “முஹக்கிகீன்”கள் “தொற்று நோய் என்பது இல்லை என்பதன் கருத்து ஒன்றிலிருந்து இன்னொன்றுக்கு இயற்கையாக தொற்றாது. அது இறைவனின் நாட்டத்தைக்கொண்டும், ஏற்பாட்டைக் கொண்டும், அவனுடைய செயலைக்கொண்டுமே உண்டாகும் என்று கூறியுள்ளனர். இன்னும் தொற்றுநோய் இல்லை என்றால் அவ்வாறு சொல்லத்தடை அல்லது நம்பத்தடை என்பதாகும் என்றும் கூறப்பட்டுள்ளது. இன்னும் அது செய்தியே தவிர நடக்காது என்றும் கூறப்பட்டுள்ளது.