பேணுதல் மிகுந்த வலிய்யுல்லாஹ்

அரிய ஆலிம் பரம்பரையில்

அவனியில் தோன்றிய வலிய்யுல்லாஹ்

நாகூர் ஆலிம் பரம்பரையில்

அலியார் ஆலிம் புத்திரராய்

அப்துல் ஜவாத் வலீ ஆலிமென

அழைக்கும் பெரிய வலிய்யுல்லாஹ்

காத்த நகரின் வலிய்யுல்லாஹ்

கல்விக் களஞ்சிய வலிய்யுல்லாஹ்

ஏத்தமாய் எமக்கு இறை கூடம்

என்றும் அருளிய வலிய்யுல்லாஹ்

அஹ்மத் மீரான் வலிய்யுல்லாஹ்

திருக் கரம் பற்றிய வலிய்யுல்லாஹ்

அஹதை அறிந்து அவன் வழியில்

அவனியில் நடந்த வலிய்யுல்லாஹ்

ஹக்கன் காட்சி தினம் கண்டு

ஹக்கில் லயித்த வலிய்யுல்லாஹ்

ஹக்கும் கல்கும் எதுவென்று

காட்டித் தந்த வலிய்யுல்லாஹ்

குல்லிய்யஹ் அறபுக் கலாபீடம்

குவலயம் தந்த வலிய்யுல்லாஹ்

பத்ரிய்யஹ் தைக்கிய்யஹ் மஸ்ஜிதையும்

பாருக்களித்த வலிய்யுல்லாஹ்

றமழான் மாதம் முழுவதுமே

நல்லுரை சொல்லிய வலிய்யுல்லாஹ்

றமழான் நோன்பை பக்குவமாய்

காத்து நோற்ற வலிய்யுல்லாஹ்

குணிந்த பார்வை நிமிராது

குதி நிதி பாத அணியோடு

மெதுவாய் நடக்கும் வலிய்யுல்லாஹ்

மேன்மை தங்கிய வலிய்யுல்லாஹ்

வௌ்ளைக் கோட்டுச் சாரனுடன்

பெனியன் சால்வை தொப்பியுடன்

அள்ளிடும் வௌ்ளை தாடியுடன்

அழகாய் ஒளிர்ந்த வலிய்யுல்லாஹ்

கையை பின்னால் கட்டியவர்

காலை மெதுவாய் தூக்கி வைப்பார்

கையை காலை கண்களையும்

ஹக்காய் செலுத்திய வலிய்யுல்லாஹ்

ஸபர் மாதம் முழுவதுமே

சங்கை நபிகள் பெயராலே

வித்ரிய்யஹ் ஓதிய வலிய்யுல்லாஹ்

விரிகடல் ஞான வலிய்யுல்லாஹ்

ஸபர் மாதக் கடைசிப் புதன்

சாந்தம் பெறவே மக்களுக்கு

அஸ்மா இஸ்மை எழுதி நிதம்

அன்பாய் வழங்கிய வலிய்யுல்லாஹ்

றபிஉனில் அவ்வல் வசந்தத்தில்

வசந்தம் பொங்கும் மௌலீதை

நாளும் ஓதி முடிவினிலே

நல் கந்தூரி கொடுத்த வலிய்யுல்லாஹ்

வாரந் தோறும் சனி காலை

வள்ளலிறசூல் புகழ் மாலை

வழங்கும் புர்தஹ் ஷரீபதனை

வழக்கமாய் ஓதிய வலிய்யுல்லாஹ்

வள்ளலிறசூல் பெயராலே

ஓதிய புர்தஹ் ஷரீபுக்கு

பறகத் வேண்டி கந்தூரி

பதமாய் கொடுத்த வலிய்யுல்லாஹ்

அப்துர் றஊப் எனும் அரும் வலீயை

அவனிக்கீந்த வலிய்யுல்லாஹ்

அப்தாய் இருந்து அஹதவனில்

அடங்கிய மாபெரும் வலிய்யுல்லாஹ்

தன்னை ஹக்கில் பனாவாக்கி

தத்துவம் சொல்லி மக்களுக்கு

தன்னை ஒழித்து வாழ்ந்த மகான்

தன்னிகரில்லா வலிய்யுல்லாஹ்

ஹக்கைப் பயந்து நடந்தார்க்கு

இரண்டு சொர்க்கம் உண்டென்று

இனிதாய் உரைத்து வாழ்ந்த மகான்

பெரிய ஆலிம் வலிய்யுல்லாஹ்

சாந்தம் அளிக்கும் கபுறறைக்கு

பதிலாய் பெறுமதிக் காணியொன்றை

பள்ளியின் பெயரில் எழுத வைத்து

பள்ளி கொண்ட வலிய்யுல்லாஹ் –

– பெரிய ஆலிம் வலிய்யுல்லாஹ்

சொல்லும் செயலும் ஒன்றாக

சொர்க்கம் இரண்டைப் பெறுவதற்கு

அல்லும் பகலும் இறை திக்ரை

அயராதுரைத்த வலிய்யுல்லாஹ்

வலிமன் காப மகாம றப்பிஹீ ஜன்னதான்

வசனம் கேட்டதும் தானடங்கி

கண்களை மூடிய வலிய்யுல்லாஹ்

காமிலாம் நாயகம் வலிய்யுல்லாஹ்

ஷவ்வால் மாதம் பதினைந்தில்

மறுமையை நோக்கிய வலிய்யுல்லாஹ்

மறைந்தும் மறையாப் பேரொளியாம்

மண்ணில் ஒளிரும் வலிய்யுல்லாஹ்

ஆக்கம்

A.L.A ஜப்பார் (G.S.O.)

முத்துப்பேட்டையின் முத்தே!
வைத்தியக் கலாநிதியே!
ஷெய்குத்தவா ஹகீமே!
ஷெய்கு தாவூதே!

எங்கள் பிணிகளை தீர்த்து வைத்து
வையகத்தில் நலமுடன் வாழ வைக்க
பதுரிய்யா பூங்காவனம் வருகவே!
சுகமான வாழ்வு தருகவே!
ஜாம்பவானோடையில் சமாதி கொண்டு
பல கோடி அற்புதம் காட்டும் ஹக்கீமே!
தீராத நோய்களை தீர்த்துவைக்கும் கலாநிதியே!
ஷெய்கு தாவூதே வருகவே வருகவே….!

வைத்தியர்களால் கைவிடப்பட்ட
நோய்களை
கறாமத்தின் மூலம் குணமாக்கியவரே!
கனவிலே காட்சி தந்து சத்திர சிகிச்சை செய்தவரே!
சத்தியமாய் சொல்கிறேன்
நீங்கள் வைத்திய மேதைதான்!
இருள் சூழ்ந்த என் மகனின் வாழ்வில்
ஒளி ஏற்றியவரே! கண்மணியை காத்தவரே!
ஹக்கீமே ஷெய்கு தாவூதே!

காரணங்கள் பலகாட்டி
காரிருள் போக்கியவரே!
உளநோயால் வாடியவரை
உன்னத மாக்கியவரே!
காலமெல்லாம் காத்தருள வேண்டுகிறேன்!
கலாநிதியே!
ஷெய்கு தாவூதே! வருகவே! வருகவே!

கலாநிதியை காட்டித் தந்தவரே!
காத்த நகரின் காவலனே!
காமில் வலியின் மைந்தனே!
அத்வைதத்தின் ஆணிவேரே! அச்சாணியே!
வஹ்ததுல் வுஜுதின் வதனமே!
அறிவுக்கண்ணை திறந்தவரே!

ஆரிபுபில்லாவே! அப்துர் றஊப் மிஸ்பாஹியே!
காதிமுல் கௌமியே! என் குருவே!
நீங்கள் பாரில் நலமுடன் நீண்ட
ஆயுளுடன் வாழ
இறையருளை வேண்டுகிறேன்!
வல்ல இறைவா அருள்புரிவாய்!

• ஆமீன் –

வரிகள்
அல்ஹாஜ் TL. கலீலுர் ரஹ்மான்
(TLK Food City)
NO: 51 A.J.A. மாவத்தை
காத்தான்குடி – 06
தொ.பேசி – 0776013866

பாருக்கு வந்த ராஜாவே!
பாலைவனத்து ரோஜாவே!
பார்ப்பவர் லயித்த நிற்கும் பேரொளியே!
பார் போற்றும் தீன் சுடரே!
பாரை ஆளும் கோமானே!
முதலோனின் முதலொளியே!
முக்கனியே முழுமதியே!
முக்காலம் போற்றும் மாதவரே!
முழு நிலாவான பெருமானே!
அகிலத்தின் அருட்கொடையே!
அல்லாஹ்வின் தூதரே!
அப்துல்லாஹ்வின் அருமை மைந்தரே!
அவனிக்கு வந்த நாயகமே!
அவனல்லாதொன்றுமில்லை என்றவரே!
ஈருலகின் அரசரே!
ஈமானை எமக்களித்தவரே!
ஈடிணையில்லா இறையொளியே!
ஈடேற்றம் தந்தவரே!

மறுமையின் மாதவமே!
மக்கத்து மரகதமே!
மஹ்ஸரின் ஒளி விளக்கே!
மன்னர் முஹம்மதுவே!
மதீனத்து மண்ணில் மறைந்து வாழும்
மாநபியே எங்கள் நாயகமே!
ஸபாஅத்தின் களஞ்சியமே!
ஸர்தாரே நாயகமே!
ஸபாஅத்தை எமக்களித்து
ஸலாமத்து செய்பவரே!
சாந்தி நபியே!
சங்கை நபியே!

மஹ்ஸரின் ஒளி விளக்கே!
மன்னர் முஹம்மதுவே!
மதீனத்து மண்ணில் மறைந்து வாழும்
மாநபியே எங்கள் நாயகமே!
ஸபாஅத்தின் களஞ்சியமே!
ஸர்தாரே நாயகமே!
ஸபாஅத்தை எமக்களித்து
ஸலாமத்து செய்பவரே!
சாந்தி நபியே!
சங்கை நபியே!

ஸல்லல்லாஹு அலா முஹம்மத்
ஸல்லல்லாஹு அலைஹி வஸல்லம்
ஸல்லல்லாஹு அலா முஹம்மத்
யாறப்பி ஸல்லி அலைஹி வஸல்லிம்

வஸ்ஸலாம்

-வரிகள் –
அல்ஹாஜ் TLK. கலீலுர் றஹ்மான்
(TLK Food City)
இல. 51, AJA. மாவத்தை
காத்தான்குடி-06
21.11.2018

அருளே அல்லாஹ் அருவுருவானோன்
இதய இருளை நீக்கும் ஒளிமயமானோன்
கருவாய் அகிலம் அனைத்தும் ஆனோன்
உருவாய் உள்ளவை எல்லாம் ஆனோன்

கருவின் உருவாய் கல்கின் முதலாய்
திருவாய் மலர்ந்த முஹம்மது நபியை
மரகத கவி மணி மாலை சூடி
முறையுடன் புகழ்ந்தேன் பாக்கள் பாடி

அப்தால் பிரிவில் தோன்றிய நாதர்
அப்துல் ஜவாத் எனும் அருந்தவ சீலர்
ஒப்பார் இல்லா இன்ஷான் காமில்
உஸ்தாத் நாமம் ஓதினேன் பணிந்து

அஜ்மீர் பதியின் அருள்மிகு ரோஜா
ஆன்மீக வானில் இலங்கிடும் சிதாரா
அண்ணலே ஹாஜா அவர் திரு மைந்தர்
அற்புத ஸர்வார் ஆண்டிடும் ராஜா
ஆயிரம் ஆயிரம் வாழ்த்துக்கள் பாடி
ஆயிரம் ஆயிரம் கவி மலர் சூடினேன்.

அன்பே! அல்லாஹ்வின் அருட்கொடையே!
அப்துல் ஜவாத் அருந்தவத்தால் வந்த முத்தே!
அப்துர் றஊப் எனும் ஞான வித்தே!
வம்பர்க்கு நெருப்பே! நல்லன்பர்க்குத் தண்ணீரே!
வல்லோன் ஞானத்தின் ஊற்றே!
கொள்கைக்காய் உயிர் வாழும் கோனே!
கொள்கை என்றால் என்னவென்றும்
கொள்கைவாதி யார் என்றும்
காட்டி வைத்த சற்குருவே!
வாழ்த்தினோம் உம்மை
நீண்ட நாள் வாழ்கவென்று
போற்றினோம் உங்களை
பகைவர் செத்து மடிகவென்று

நான் கஃபுமல்ல ஹஸ்ஸானும் அல்ல
சுஹைருமல்ல சாதாரணமான பாவலன்
நபிகளை புகழ்ந்தார்கள் கவிஞர்கள் அவையிலிருந்து
நாங்கள் கவிதையில் ஏழைகள்
முடிந்தவரை உங்களைப் புகழ்கிறோம்
எங்கள் புகழ் போதாது!

காரணம், கொள்கைக்காய் உயிர் வாழ்வோம்
கவி அரங்கின் கரு நீங்கள்தான்
நீங்களின்றேல் இவ்வரங்கில்லை
நாமில்லை, நம் கூட்டமில்லை
இறை வேறு நாம் வேறு என்று
ஷிர்க்கில் மூழ்கி இருந்திருப்போம்!
ஸிறாதுல் முஸ்தகீமை வி்ட்டும்
சறுக்கி விழுந்திருப்போம்!

இறைவன் உங்கள் மூலமாக எங்கள் நெஞ்சில்
“எல்லாம் அவன்” எனும்
ஞானதீபத்தை ஏற்றி வைத்தான்!
அன்று நீங்கள் நட்டிய தௌஹீத் விருட்சம் தான்
இன்று கனி கொடுக்கிறது.
அந்த தௌஹீத் விருட்சத்தை
அடியோடு பிடுங்கி எரிய வந்த
பேய் பஷாசுகள் ஷெய்த்தான்களை
தௌஹீத் சாட்டையினால் விரட்டி அடித்தீர்கள்
அன்றும் இன்றும்

நீரூற்றி உரம் இட்டீர்!
கண் விழித்து பாதுகாத்தீர்!
இன்று விழுதுகள் விட்டு பூத்து காய்க்கிறது
கனி கொடுக்கிறது தௌஹீத் மரம்
நாம் கனி பெறுகிறோம்! சுவைக்கிறோம்!
அது நிழல் தருகிறது அதன் நிழலில் ஒதுங்குகிறோம்.

இவ்வாறே மறுமையிலும்
அதன் நிழலில் ஒதுங்குவோம்.
அதன் கனிகளை சுவைப்போம் – காரணம்
அவ்விருட்சம் அழிந்து விடுவதில்லை
இது எம் நம்பிக்கை. அதுவே இறை நம்பி்க்கை

கொள்கைக்காக உயிர் வாழும்
கவி அரங்கம் மலர்கிறது

சொல்லும் கவிதை சுவைப்பதற்கு
சூழ்தன இங்கே தேனீக்கள்
வள்ளல் ஹாஜாவின் விழாவில்
அள்ளிக் கவிதை சொரிதற்கு
கொள்கை கவிஞர் கூடியுளார்
கேட்போம் நெஞ்சம் பூரிப்போம்.

நபி அவை கவிஞர் ஹஸ்ஸான் கஃபை
கருத்தில் கொண்ட எம் கவிக்கனிகாள்
கொள்கை கவிஞர் கவிஞர் றபாய்தீன்
தென்கிழக்கின் தௌஹீத் வளாகம் கவிஞர் றிழ்வான்
வலீமார் புகழ் கவி கவிஞர் ஜப்பார்
தேன் தமிழில் கவி வழங்கும்
ஏகத்துவக் கவி கவிஞர் றஹீம்

அவையை அலங்கரிக்கும்
ஹம்ஸா, அலீ போன்ற வீரர்காள்
உமர், ஜஃபர் போன்ற தீரர்காள்
முஆத், முஅத்தின் போன்ற சிறுவர்காள்
சுமையா,பாதிமா போன்ற நங்கையர்காள்
உஸ்மான், தல்ஹா போன்ற வள்ளல்காள்
அபூஹுரைறா போன்ற திண்ணைத் தோழர்காள்
அபூபக்கர் போன்ற இனிய நண்பர்காள்
நீங்கள் அண்ணல் நபீயின் தோழர்களை
நினைவில் கொணரும் சின்னங்கள்
ஆட்கள் தான் மாறுகிறார்கள்
கொள்கை மாறுவதில்லை
அதனால் நீங்கள் வாழி! நீங்கள் வாழி!
உங்கள் தொழில் வாழி!
உங்கள் சொத்துக்கள் வாழி!
உங்கள் உறவினர்கள் வாழி!
அவர்கள் தௌஹீத் வாதிகளாக இருந்தால்

கொள்கைக்காய் உயிர் வாழ்வோம்
கவியரங்கில் நாம் நுழைவோம்

அரசியலுக்காய், புகழுக்காய்
அவனியில் பட்டம் பதவிக்காய்
உயிர் வாழ்கின்ற உலகமதில்
கொள்கைக்காய் உயிர் வாழும்
ஒரே ஒரு கூட்டம் நாமேதான்!
வாழ்க்கைக்காக கொள்கையினை
வகுத்துக் கொண்டோர் நாமல்லர்
கொள்கைக்காக வாழ்க்கையினை
வரித்துக் கொண்டோரே நாங்கள்!

உலமா சபையின் ஊடுறுவல்
உதவா தீர்ப்பால் ஒன்றிணைந்தோம்
ஒருமை தௌஹீத் ஏகமதில்
இரு தசாப்தங்களை கழித்திட்டோம்
இணையிலா துன்பம் தனைச் சுமந்தோம்
ஏகனின் தௌஹீத் தனில் நின்றோம்.
இத்துனை துன்பம் எதற்காக?
ஏகனின் தௌஹீ்த் கொள்கைக்காக – எனவே
கொள்கைக்காக உயிர் வாழ்வோம்
என்றும் கொள்கைக்காக உயிர் வாழ்வோம்.

எம்மவர்க்கு நெற்றியடி அடிக்க வந்தவர்க்கு
நாமும் இடித்தோம், அடித்தோம்.
கத்தியால் அல்ல கல்லால் அல்ல புத்தியால்
அதனால் அவர்கள் சித்த சுவாதீனம் அற்று
இன்றும் கிடக்கிறார்கள்.

ஊடுறுவல் விலங்கை உடைத்தெறிவதற்கும்
ஞான ஏடுகளில் உள்ளவற்றை எடுத்தோதுதற்கும்
கேடுடைய வஹ்ஹாபிஸத்தை கிள்ளி எறிதற்கும்
உயிர் வாழ்வோம்! நாம் கொள்கைக்காய் உயிர்வாழ்வோம்!

முர்தத் பத்வாவின் முகத்திரை கிழிப்பதற்கும்
அர்த்தமுள்ள இஸ்லாத்தை அர்த்தமுடன் பரப்புதற்கும்
குர்ஆனில் அத்துவித தத்துவத்தை விளங்குதற்கும்
கொள்கைக்காய் உயிர் வாழ்வோம்!
கொள்கைக்காய் உயிர் வாழ்வோம்!

என் இதய அத்வைத தோழர்காள்,தோழிகாள்!
எம்மூரில் எத்தனை பேர் கொள்கைக்காய் வாழ்கின்றார்
நம் கூட்டம் ஒன்றுதான் அன்று முதல் இன்று வரை
கொள்கைக்காய் வாழ்கிறது.
அரசியலில் உறவியலில் அணி திரண்டோர் பிரிந்திடுவர்
ஆனால், நம் ஆன்மீகம் ஒன்றுதான்
அன்று முதல் இன்று வரை நிலைத்திருக்கும்

பணம் அழியும்!
பந்தம் அழியும்!
பாசம் அழியும்!
பார் அழியும்!
ஆனால் உயர் தௌஹீத் அழியாது!
அது கொண்ட உடல் கூட அழியாது அழியாது!
அதனால் நாம் கொள்கைக்காய் உயிர் வாழ்வோம்

ஊரெங்கும் மஸ்ஜிதுகள் நிறைந்திருக்க – இந்த
இறையில்லம் பத்ரிய்யஹ் ஏன் ஓடி வருகின்றோம்
தெருவெங்கும் உலமாக்கள் திரண்டிருக்க – இந்த
திருப்பள்ளி ஆலிம்களை ஏன் தொடர்கின்றோம்
சிந்தித்தோமா! கொள்கைக்காக!
அதனால் கொள்கைக்காக உயிர் வாழ்வோம்
உயிருள்ள வரை கொள்கைக்காக உயிர் வாழ்வோம்

கந்தூரி வேலைகளை காசுக்கா செய்கின்றோம்
சந்திகளில் விழித்திருந்து காவல் புரிவதும்
ஹாஜாஜீ தொண்டுகளை காசு கட்டி செய்வதும்
கொள்கைக்காய் அன்றி எதற்காக?
எனவே, கொள்கைக்காய் உயிர் வாழ்வோம்
உயிர் அடங்கும் நேரம் வரை.

கால் கடுக்க கை கடுக்க கடும் பணிகள் செய்தீர்கள்
தோல் வலிக்க சுமை தாங்கி தொண்டாற்றி மகிழ்ந்தீர்கள்
வாழ்க்கைக்காய் உழைத்தாலும்
வள்ளலுக்கு உழைத்தது போல்
கூலிக்கும் உழைக்கமாட்டீர்!
ஆனால் கொள்கைக்காய் உழைத்தீர்கள்.
அதனால் கொள்கைக்காய் உயிர் வாழ்வோம்
கப்றுள்ளே நுழையும் வரை

கோழி பதுர் என்ன! கேணல் றபீக் என்ன!
மைமூன் காசிமும் பார்வையில் ஏழைகள்
ஆனால் பேரிறையின் சமூகத்தில்
அவர்களும் செல்வந்தர்தான்!
காரணம், ஆலிம்களிடம் இருக்க வேண்டிய
நபீமார் விட்டுச் சென்ற விலைமதிப்பற்ற
தௌஹீத் சொத்து அவர்களிடமும் இருக்கிறது.

ஏட்டைப் படித்தென்ன! எதிலும் சிறந்தென்ன
நாட்டை ஆண்டென்ன! நல்லவனாய் வாழ்ந்தென்ன!
நோட்டை நிறைத்தென்ன! நன்மைகள் புரிந்தென்ன!
கோட்டையில் வாழ்ந்தென்ன! கோடீஸ்வரராய் திகழ்ந்தென்ன!
ஏகத்துவம் இல்லையெனில் இருந்தென்ன! இறந்தென்ன!
காட்டில் வாழ் பாமரனும் கலிமாவின் பொருளறிந்தால்
ஏட்டறிவு இன்றேனும் அவன்தானே உயர்ந்தவன்
அதனால் நாம் கொள்கைக்காய் உயிர் வாழ்வோம்
கொள்கைக்காய் உயிர் வாழ்வோம்.

மின்சாரம் தடை பட்டால் பழீல் என்று அழைக்கின்றோம்
டெக்ரேஷன் என்றதுமே காசிம் என்று சொல்கின்றோம்
காசிமுக்கும் பழீலுக்கும் சம்பளமா கொடுக்கின்றோம்?
இல்லை – அழைத்தவுடன் விரைவார்கள்
அதனால் எம் அடிமைகளா அவர்கள் – இல்லை
அவர்கள் தௌஹீதின் அடிமைகள்
பழீல், காசிம் போன்ற இறை தௌஹீதின் தொண்டர்கள்
பலருள்ளார் இங்கு
பத்ரிய்யஹ் அவர் சரிதை சொல்லும்
அதனால் கொள்கைக்காய் உயிர் வாழ்வோம்
என்றும் கொள்கைக்காய் உயிர் வாழ்வோம்

கண் விழித்து பணி புரியும் ஆண்களைப் போல்
பெண் பக்தைகளும் நம்மிலுள்ளார்
பத்ரிய்யஹ் பெருந்தளத்தை கூட்டி சுத்தி செய்திடுவார்
பள்ளிக்கு நிதி கேட்டால் பணம் தந்து உதவிடுவார்
கொள்கையை விளங்கியுள்ள
ஞானபிதா பக்தையரும் ஞானவழித் தோழியரும்
நம்மிலுளார் – எதற்காக கொள்கைக்காக
எனவே கொள்கைக்காய் உயிர் வாழ்ந்து
கொள்கைக்காக உயிர் துறப்போம்.

கண்ணைக் கவரும் மின் அலங்காரம்
மின் வள்ளுனரா இதை யாத்தார்கள் – இல்லை
எங்கள் சி்ன்னஞ் சிறிய மின் மினிப் பூச்சுகள்தான்
மயக்கும் இந்த மின் விளக்குகளை அலங்கரித்தார்கள்.
உண்மையில் அவர்கள் மின்மினிகளாயினும்
மின் வள்ளுனர்தான்!

காண்போர் வியக்கும் வண்ணப்பந்தல்
அன்னாந்து பார்த்தால் அதிசயம் புரியும்
இப்படியொரு பந்தல் எம்மூரில் உண்டா?
உள்ளதற்கு வரலாறு உண்டா?
இலங்கையிலாவது நாம் கண்டதுண்டா? – இல்லை
அஜ்மீர் நகரிலும் இப்படி இல்லை – அதனால்
பந்தலிட்டவர்கள் பக்தாது என்ன அஜ்மீரு என்ன
மன்னர் நபியின் மகாமுல் மஹ்மூதிலும்
பந்தலிடுவதற்கு தகுதி பெற்று வி்ட்டார்கள்.

எதிரிகள் கூட இன்று சொல்கிறார்கள்
எத்தனை பள்ளிகளில் கந்தூரி கொடுத்தாலும்
பத்ரிய்யஹ் கந்தூரி போலாவதில்லை!
கறியும், சோறும் கம கம வாசம்
நெய்யும், தயிரும் நாவில் சுரக்கும்
உண்டார் மறவார்! உண்ணார் உணரார்!

இலட்சியம் வேண்டும் தம்பி!
இல்லேயேல் நாங்கள் கொள்கைவாதிகளல்லர்.
பல வருடங்கள் கொள்கையில் வாழ்ந்து
சில நிமிடங்களில் நாம் மாறும் போது
அந்த சில நிமி்டங்கள் நம் அமல்கள் அனைத்தும்
அழிந்து விடுகின்றன.
நம் நெஞ்சில் ஒளிர்ந்த தௌஹீத் விளக்கு
அணைந்து விடுகின்றது.

வானத்தை பார்த்து உமிந்தவன் எச்சில் – அவன்
வதனத்தில் வந்து வீழ்வது போன்று
உலமா சபையின் உதவா தீர்ப்பு
உண்மையில் அவர் பால் மீண்டதுவன்றோ!
உண்மை முஃமீன்களை முர்தத் என்றால்
உலமாக்களே முர்தத் ஆனார் அன்றோ!
பத்வாவை அவர் வாபஸ் பெறும் வரை
பெரும் பாவத்தில் தான் அவர் வாழ்கின்றார்.
பாமரர் இதனை இன்னும் அறியார் – அவர்
பாதகர் என்பதை இன்னும் புரியார்!

அதனால்தான் சொல்கின்றோம்
நமக்கென்று பள்ளி வேண்டும் கட்டி எழுப்புவோம்!
நமக்கென்று உலமா வேண்டும் பின்பற்றுவோம்!
நமக்கென்று கொள்கை அணி திரள்வோம்!
நமக்கென்று அரசியல் ஒன்றுபடுவோம்!

உத்தம நபியின் உண்மைத் தோழர்
உமர், உத்மான், அலீ கொலைசெய்யப்பட்டனர்
எதற்காக கொள்கைக்காக
அம்மார், சுமையா தியாகிகளானார்
எதற்காக கொள்கைக்காக
ஹுபைபும், பிலாலும் தோலுரிக்கப்பட்டனர்
எதற்காக கொள்கைக்காக
அவ்லியாக்களில் எத்தனை மகான்கள்
அத்வைதம் சொன்னதால் இம்சிக்கப்பட்டனர்
அன்றும் இன்றும் – இன்று
எங்கள் வரலாற்றை புரட்டிப் பார்ப்போம்
எத்தனை துன்பம் எத்தனை இன்னல்
எத்தனை பின்னல் எம் தலைவர் வாழ்வில்

தௌஹீத் களத்தின் கொள்கைச் சிங்கம்
பாறூக் காதிரீ உயிரை இழந்ததும்
உங்கள் நத்வீயும் மௌலவீ மஜீதும் கூட
பொலீஸில் ஒருநாள் அடைபட்டதும்
பாவம் மண் றபீக் சிறையில் கிடந்ததும்
எதற்காக கொள்கைக்காக!
அதனால் கொள்கைக்காக உயிர் வாழ்வோம்.

நவயுக தௌஹீத் நண்பர்காள்! நண்பிகாள்!
தௌஹீத் ஏட்டின் ஒரு பக்கத்தையே இதுவரை ஓதினேன்.
இன்னொரு பக்கம் உண்டு
அது யுத்தங்களும், உயிர் தியாகங்களும் நிறைந்த பக்கம்
அப்பக்கம் நாம் பார்ப்பதற்கு இப்போது காலமில்லை

நபிகளின் வாழ்வில் நடந்த சில யுத்தங்கள்
நவீன வடிவில் எங்கள் வாழ்க்கையில் நடந்துள்ளன
பத்வா தீக்கிரை அது ஒரு யுத்தம்
கல்முனை நகரில் தொப்பி, செருப்பின்றி
உலமாக்கள் ஓடியது வேறொரு யுத்தம்
மீராபள்ளியில் நோன்பு மாதத்தில்
நாம் சென்று தொழுதது பிரிதொரு யுத்தம்
நினைவிருக்கிறதா?

எனவே, அத்தகு காலம் எம்மிடை தோன்றில்
காற்றும் புயலாய் வீசுவது போன்று – என்
கவிதைகளும் புயலாய் சீறும் கொள்கைக்காக!
உதிரமும் கொதிக்கும் செங்கடல் போல
உணர்வும் மாறும் வேங்கை போல
சொல்லும் வெடிக்கும் புல்லட்ஸ் போல
உறவும் வெறுக்கும் இறப்பும் இனிக்கும்
அத்தகு காலம் இன்னும் வரவில்லை.

புலிகள் தமது கொள்கைகளை கைவிட்டு விடலாம்
அது இலௌகீகம்
ஆனால் தௌஹீத்வாதிகள் தம் கொள்கையினையும்
பத்வா வாபஸ் பெற வேண்டும் என்ற திட முடிவினையும்
விட முடியாது இது ஆன்மீகம்.

எனவே, முன்கர் நகீரின் வினாக்களுக்கு
மகமகிழ்ந்து விடையளிப்பதற்கும்
மன்னோன் இறையின் திரு முகத்தை
மகிழ்ந்தே கண்டு கழிப்பதற்கும்
இன்ப துன்பங்கள் அனைத்தையுமே
இறையின் செயல் என்று உணர்வதற்கும்
நானும் நீங்களும் இவ்வுலகில் கொள்கைக்காக உயிர் வாழ்வோம்

உயிரினும் கொள்கை மேலென்போம்
கண்கள் குருடாய் வாழ்ந்திடலாம்
கை கால் இழந்தும் வாழ்ந்திடலாம்
முண்டகம் இழந்தோர் வாழ்வாரோ?
முண்டம் இருந்தும் என்ன பயன்?
முண்டகம் என்றால் தலையாகும்
முண்டம் தலையிலா உடலாகும்
முண்டகம் கொள்கை இல்லையெனில்
முண்டமாம் செயலால் என்ன பயன்?

எண்ணம் தூய்மை இல்லையெனில்
எதை செய்தாலும் பயனில்லை
உண்ணும் உணவில் உப்பின்றேல்
உருசியை நாவும் உணர்வதி்ல்லை
இன்றேல் கொள்கை எம் வாழ்வில்
இகத்தில் வாழ்ந்தும் இகத்தில் பிறந்தும் சிறப்பில்லை
உண்மைக்காக மரித்தோரை உலகம் என்றும் மறப்பதில்லை

ஞானபிதாவின் தலைமையிலே
நாளும் வாழ்வு சிறக்கட்டும்
தௌஹீத் எங்கும் பரவட்டும்
தத்துவம் நெஞ்சில் பூக்கட்டும்
உண்மைக்காக உயிர் வாழ்வோம்
உலகம் எதையும் சொல்லட்டும்
உண்மை உணரார் பகைகட்டும்
ஊரை விட்டே துரத்தட்டும்
உன்னவர் உயிரை எடுக்கட்டும்
உடைமை எல்லாம் பறிக்கட்டும்
உறவினர் பகைத்தால் பகைக்கட்டும்
குண்டுகள் நெஞ்சை துளைக்கட்டும்
கொள்கைக்காக உயிர் வாழ்வோம்!

நீண்டது கவிதை நிறுத்துகின்றேன்
கவிஞர் குளாத்தை அழைக்கின்றேன்.

வஸ்ஸலாம்

கருவுக்குக் கருத்தும் சொல்லிய நாதர்
கருவேதான் எல்லாம் என்றிட்ட சீலர்
கருப்பொருள் அறியா மனிதரோ வீணர்
காவியம் சொன்ன மிஸ்பாஹீ வாழீ!

“கறாமத்”கள் அனந்தம் செய்திடும் ராஜர்
காத்த நகர்வாழ் அற்புத சோழர்
காத்திடும் எங்கள் ஜவாத்வலீ நாதர்
கருவாய் மலர்ந்த மிஸ்பாஹீ வாழீ!

காயல் பதியில் தோன்றிய ஞானி
காதிர் எனும்பெயர் பெற்றிட்ட ஜோதி
கரம்தனை பற்றி அருள்பெற்ற தேனீ
காமிலாம் எங்கள் மிஸ்பாஹீ வாழீ!

கடவுளின் ஞானம் வாயினில் பொங்கும்
கனிவுடன் உள்ளம் ஆசையில் மிஞ்சும்
கல்பினில் இறையின் காதலும் கொள்ளும்
கறைதனை போக்கிய மிஸ்பாஹீ வாழீ!

காலங்கள் ஆயிரம் ஆண்டுகள் சென்றும்
கலிமா அர்த்தம் தெளிவுறச் சொல்லும்
கருத்தே இதுதான் மாறிடா தென்றும்
கருத்தினை சொன்ன மிஸ்பாஹீ வாழீ!

கண்ணிய வலீமார் பரம்பரை வழியில்
கலிமா சொல்லும் சூபிஸ நெறியில்
காத்திரமாய் என்றும் வாழ்ந்திடும் பதியின்
காலடி வழியை நோக்கியே செல்வோம்!

காலத்தின் கௌதாய் வாழ்ந்திடும் எங்கள்
காமிலாம் ஞான களஞ்சிய வள்ளல்
கதிரவன் கண்டே வெட்கிடும் திங்கள்
காட்டிடும் பாதை நாடியே செல்வோம்!

கருத்தை அறிந்தே இறையியல் கற்க
காதிரிய்யா சபை தந்திட்டார் வெல்ல
காருண்யம் பெற்றே இறையிடம் செல்ல
காதலர் மிஸ்பாஹீ வழி செல்வோம்!

கற்பனை உலகில் வெற்றியும் காண
கரம்தனை பிடித்தே சூபிஸ ஞான
கடலினில் மூழ்கி ஆழமும் காண
கறைதனை போக்கி இறையிடம் செல்வோம்!

காண்போம் என்றும் இறைவனின் காட்சி
காமில் வலியெங்கள் கடவுளின் சாட்சி
கனிவுடன் பெறுவோம் கருவினில் ஆட்சி
கனம் அவர்பாதை வழிதனில் செல்வோம்!

காதலர் மிஸ்பாஹீ தினம் வாழீ!
காலங்கள் நலமாய் ஆண்டுகள் வாழீ!
காதிரிய்யாவின் சீடர்கள் வாழீ!
கண்ணியம் பெற்றே நீடூழி வாழீ!
——————————————-

கவிதை : மௌலவீ MJ.அஹ்மத் ஸுஹ்ரீ றப்பானீ

எல்லாம் அவனாய் இருந்திடும் இறையை

துல்ஹஜ் மாதம் தோன்றிய பிறையை

கண்டதும் எம்மில் அழித்திட்டான் கறையை

அவனை நாமும் போற்றிட வாரீர்!

நபிமார் அணியில் தோன்றிய நாதர்

இறைவனின் சோதனை பெற்றிட்ட வேதர்

“கலீலுல்லாஹ்” என்னும் பெயர் பெற்ற ராஜர்

இப்றாஹீம் நபியின் சரித்திரம் கேட்பீர்!

ஆஸரின் அன்பு வித்திட்ட புதல்வர்

ஸாறா ஹாஜர் அன்னையர் கணவர்

இஸ்மாயீல் இஸ்ஹாக் தந்திட்ட முதல்வர்

தியாகத்தின் சரிதை சொல்வதைக் கேளீர்!

செல்வங்கள் அதிகம் கொண்டிட வாழ்ந்தார்

மலக்கினில் ஒருவர் இறையிடம் கேட்டார்

இறைவா உன்னை எப்படி மறவார்?

இறைவனும் சொன்னான் நீர் சென்றறிவீர்!

கொடியவன் நும்றூத் சூழ்ச்சியும் செய்தான்

அக்கினி குண்டம் அவர்களை எறிந்தான்

நெருப்பே நீயும் குளிர்ந்திடு என்றான்

இறைவனின் சொல்லால் ஈடேற்றம் பெற்றார்!

கஃபா கட்டிட நாயனும் சொன்னான்

பெண்ணுடன் மகனை அழைத்தே சென்றார்

இடையில் வனத்தில் விட்டே மீண்டார்

அவரின் தியாகம் அனைவரும் பாரீர்!

கனவில் மகனை பழியிட கண்டார்

கண்ணும் விழித்தார் திகைத்தே நின்றார்

மகனை அறுத்திட எண்ணம் கொண்டார்

இத்தியாகமும் இன்று யார்தான் செய்வார்?

சோதனை மேல் சோதனை கண்டார்

இறைவனில் பொறுமை கொண்டிட வாழ்ந்தார்

இறையுடன் அவரும் தோழராய் ஆனார்

அனைத்திலும் அவரும் வெற்றியும் கண்டார்

தோழா நீயும் அவர்கதை கேட்டாய்

அவரின் தியாக உணர்வினை கண்டாய்

நீயும் இதுபோல் தியாகங்கள் செய்தால்

இறைவனில் நீயென்றும் பெருமிதம் கொள்வாய்

பணத்துக்கும் பதவிக்கும் கொள்கையை விட்டால்

குடும்பத்து உறவுக்காய் இறையியல் விட்டால்

மறுமை வாழ்வை இம்மையில் விற்றால்

இறைவனில் என்றும் சோதனை காண்பாய்

கொள்கை யுணர்வை நெஞ்சினில் கொள்வாய்

கொள்கையே உயிரென உலகினில் வாழ்வாய்

கொள்கைக்காய் எதையும் விட்டிட துணியாய்

கொள்கையில் வாழ்ந்தே இறைவனை அடைவாய்

மரணித்த பின்பும் உயிர்பெற வாரீர்!

இறைவனின் பொருத்தம் பெற்றிட வாரீர்!

கொள்கையில் என்றும் நிலைத்திட வாரீர்!

தியாகங்கள் செய்தே அருள்பெற வாரீர்!!!

மௌலவீ  MJ.அஹ்மத் ஸுஹ்ரீ (றப்பானீ)

மண்ணோர் வலம் வரும் இணையிலா கோனே

விண்ணோர் புகழ்ந்திடும் மட்டில்லாப் புகழே

நல்லோர் தேடிடும் காதலன் நீரே

புகழ்ந்தே துதித்தேன் இரு கரமேந்தியே!

அலியார் ஆலிமின் ஆன்மிக ஒளியே

மூஸா உம்மா பெற்றிட்ட தவமே

ஷெய்குனா தந்த தௌஹீதின் தளமே

பத்ரிய்யஹ் ஆண்டிடும் நிகரிலா மதியே!

வறுமையில் பொறுமை கொண்டிட்ட நாதா

ஹிந்துஸ்தான் சென்றே கற்றிட்ட ராஜா

வேதங்கள் ஓதும் வேதாந்த வேதா

உம்மிடம் வந்தேன் நாட்டங்கள் தேடியே!

காடாய்க் கிடந்த இடத்தினைப் பெற்றீர்

குர்ஆன் மத்றஸா இறையில்லம் தந்தீர்

ஞானம் பொங்கிடும் இருதயம் கொண்டீர்

அதனால் படர்ந்தது தௌஹீதின் கொடியே!

ஹழ்றத் கரீமிடம் இறையியல் கற்றீர்

திருப்பத்தூர் வலியின் அற்புதம் கண்டீர்

அஹ்மத் மீரான் வாசலும் சென்றீர்

இறைவனைக் கண்டீர் இரு கரம் பற்றியே!

கப்பல் பயணமும் கடலினில் சென்றீர்

பன்றிக் குட்டிகள் பாய்ந்திடக் கண்டீர்

தோழர் கேள்விக்கு விளக்கமும் சொன்னீர்

பயணமும் தொடர்ந்தீர் கஃபா வழியே!

இறையோன் நினைவில் மூழ்கிடும் அன்று

மனைவியை அழைத்தீர் வாரும் என்று

மரணித்த பின்னும் காப்பேன் என்று

நல்லுபதேசம் செப்பினீர் மணியே!

திருநபீ தர்பார் உம் முன் கண்டீர்

யாறஸூலல்லாஹ்! என்றே சொன்னீர்

ஷெய்தான் வாதம் நாவால் வென்றீர்

இறையோன் பொருத்தம் பெற்றீர் றழியே!

இறையோன் இறக்கிய குர்ஆன் வேதம்

இயற்றிட இசைந்தே மூழ்கிடும் நேரம்

பிரிந்தீர் பெற்றோம் கையினில் சேதம்

இருந்தோர் உணர்ந்தார் ஜவாதெனும் வலியே!

உங்களின் இழப்பு ஆலத்தின் அழிவு

உங்களில் பெற்றோம் இறையவன் அறிவு

உங்களால் கண்டோம் ஏகனில் தெளிவு

உம்மடிமைக் கருள்வீர் ஞானத்தின் பதியே!

வலிமார் பகைவர் அழித்திட வருவீர்

மைந்தரின் வாழ்வும் நீண்டிடச் செய்வீர்

உம்மைத் தேடுவோர் நாட்டங்கள் தீர்ப்பீர்

நேர் வழி தருவீர் தேவனின் வலியே!

குவலயம் போற்றும் எட்டிடாக் கடலை

எழுதுகோல் எழுதிட மறுத்திடும் மதியை

காத்த நகர் வாழ் அற்புத வலீயை

வடித்தே முடித்தேன் கண்ணீர் சிந்தியே!!

அறிவுக்கண் திறந்த
ஆத்மிகப் பேரொளியே
அகவிருளை நீக்கிவைத்த
அருள் ஞானம் கொண்டவரே
ஆண்டு பல வாழ்ந்திடவே
அல்லாஹ்வை பிரார்த்தித்தேன்
அன்புள்ளம் கொண்டவரே
அகமகிழ்ந்து வாழ்த்திடுவீர்!

தியாகத்திரு நாளாம் திக்கெல்லாம் புகழ் நாளாம்
திருவருள் சொரி நாளாம்
தியாகங்கள் சொரி நாளாம்
தரணியிலே நீங்கள்
தித்திக்கும் பேரின்பம்
தனித்துவங்கள் கொண்டுயர
துய்யோனை வேண்டுகின்றேன்

சற்குணத்தின் சற்குருவே
சாந்தமொழிர் இன்முகமே
சலனமற்ற மனங்கொண்ட
சமூகத்தின் தீன் சுடரே
சத்தியத்தை நிலை நாட்டி
சரித்திரங்கள் படைத்தவரே
சங்கையப்துல்ஜவாத் வலியின்
சத்தியமே வாழ்க என்றேன்

உத்தமரே உம்போதம்
உணவாக நானுண்டேன்
உம்மாலே உயிர் பெற்றேன்
உம்போதம் உளம் சுமந்தேன்
உலக​மெனும் மாயையதன்
உட்பொருளை உணர்து கொண்டேன்
உவகையுடன் வாழ்த்துகின்றேன்
உரவோரில் உயர் ஷம்ஸே!

இவ்வுலகம் மறுவுலகம்
இடர் நீக்கும் சற்குருவே
இறை நேசர் பரம்பரையில்
இகம் வந்த சொல்லமுதே
இணையில்லா இரத்தினமே
இறை நூல்கள் படைத்தவரே
இல்லையுங்கள் போலொருவர்
இல்மினிலே இரவியானீர்!

இப்றாஹீம் நத்வியெந்தன்
இதயத்தை ஆள்பவரே
இறை ஞானக் கவ்ம்களுக்கு
இறையிரசம் தருபவரே
இரக்க மனம் கொண்டவரே
இழவு எனைத்தொடுகையிலே
இறையிவனைப் பொருந்திடவே
இறைஞ்சிடுவீர் நாயகமே!

அருஞ் சொற்பத விளக்கம்-
01)சலனம்-சஞ்சலம்
02)உரவோர்-அறிஞர்
03)இரவி-சூரியன்
04)இழவு-மரணம்