அகிலத்தின் அருட்கொடை, காரிருள் நீக்க வந்த ஜோதி அருமை நாயகம் முஹம்மத் முஸ்தபா ஸல்லல்லாஹு அலைஹி வஸல்லம் அன்னவர்கள் தன் தாயின் வயிற்றில் கருத்தரித்த மாதமான றஜப் மாதத்தின் முதல் வெள்ளிக்கிழமை நாளை கண்ணியம் செய்யும் முகமாக அன்னாரின் பேரில் ஸலவாத் சொல்லும் விஷேட ஸலவாத் மஜ்லிஸும், கரீபே நவாஸ், அதாயே றஸூல், ஸெய்யிதே ஆலம், குத்புல் ஹிந்த் ஹஸ்றத் ஹாஜா முயீனுத்தீன் சிஷ்தீ றழியல்லாஹு அன்ஹு அன்னவர்களின் நினைவாக ஹாஜாஜீ நினைவு தின திருக்கொடியேற்றமும் 18.02.2021 வியாழக்கிழமை பின்னேரம் வெள்ளியிரவு இஷா தொழுகையின் பின் காத்தான்குடி – 05 பத்ரிய்யஹ் ஜும்அஹ் பள்ளிவாயலில் மிகச்சிறப்பாக நடைபெற்றது.

இந்நிகழ்வில் இஷா தொழுகையின் பின் திருக்கொடியேற்றமும் அதனைத் தொடர்ந்து ஹாஜாஜீ மவ்லித் மஜ்லிஸும், அதனைத் தொடர்ந்து கண்மணி நாயகம் ஸல்லல்லாஹு அலைஹி வஸல்லம் அன்னவர்கள் பேரில் ஸலவாத் ஓதும் புனித ஸலவாத் மஜ்லிஸும் நடைபெற்று இறுதியாக துஆ, தபர்றுக் விநியோகம் ஸலவாதுடன் நிகழ்வுகள் யாவும் இனிதே நிறைவு பெற்றன.

Covid – 19 சுகாதார வழிமுறைகளை பின்பற்றி நடைபெற்ற இந்நிகழ்வில் மட்டுப்படுத்தப்பட்ட பொதுமக்களே கலந்து கொண்டமை குறிப்பிடத்தக்கது.

– அல்ஹம்துலில்லாஹ் –