புண்ணியம் பூக்கும் கண்ணிய மாதமான சங்கைமிகு றமழான் மாதத்தின் 27ம் இரவான புனித “லைலதுல் கத்ர்” இரவை சிறப்பிக்கும் முகமாக 18.04.2023 செவ்வாய் பி.ப புதனிரவு காத்தான்குடி-5 பத்ரிய்யஹ் ஜும்அஹ் பள்ளிவாயலில் புனித “லைலதுல் கத்ர்” சிறப்பு நிகழ்வுகள் சிறப்பாக நடைபெற்றது.

இந்நிகழ்வில் இரவு 8.15 மணி – 8.45 மணி வரை புனித ஸலவாத் சொல்லல் நிகழ்வும், இரவு 8.45 மணி – 9.00 மணி வரை இஷா தொழுகையும், இரவு 9.00 மணி – 10.00 மணி வரையும் தறாவீஹ் தொழுகையும் இரவு 10.00மணி – 10.30 மணி வரையும் தேநீர் இடைவெளியும் வழங்கப்பட்டது.

இடைவேளையைத் தொடர்ந்து இரவு 10.30 மணி – 11.30 மணி வரை சங்கைக்குரிய மௌலவீ MM. ஜுமான் றவ்ழீ அவர்களால் விஷேட சொற்பொழிவு நிகழ்த்தப்பட்டது. அதனைத் தொடர்ந்து இரவு 11.30 மணி – 12.00 மணி வரை தஸ்பீஹ் தொழுகையும் அதனைத் தொடர்ந்து இரவு 12.00 மணியிலிருந்து வித்ர் தொழுகை, திக்ர், பிக்ர், தௌபா, துஆ, ஹிஸ்பு மஜ்லிஸ் ஆகிய நிகழ்வுகள் நடைபெற்று புனித லைலதுல் கத்ர் சிறப்பு நிகழ்வுகள்  இனிதே ஸலவாத்துடன் முடிவுற்றது. அல்ஹம்துலில்லாஹ்!